海鮮島海鮮酒家

Open Now

Now Closed

係西貢玩左一日艇， 晒足一日，好餓，決定要食餐勁， 醫下個肚。所以去左朋友推薦布袋澳既呢間海鮮酒家食， 朋友話食過唔錯，可以一試。我地一行６個大人一個小朋友，叫左白灼蝦，好新鮮，６隻清蒸鮑魚，好大隻， 好鮮味，胡椒湯煮蜆，勁正，一人飲左兩碗叫左一碟炒飯，一碟泥炒通菜，蒸左條石班，重有椒鹽瀨尿蝦，呢個椒鹽瀨尿蝦勁野味， 個個讚口不絕。蒜蓉粉絲蒸帶子， 成個手掌咁大隻， 不得了。野飲方面， 一般啤酒氣水都一定有， 但我地encore 左４次新鮮椰青，一黎好解暑， 同埋可以了埋入面ｄ果肉食， 啖啖肉， 小朋友都好鍾意，老闆重送左碟已切好既鮮甜燈比我地添。食到最後， 見到可以用１５蚊買糖水，當然唔好錯過試一試， 嘩，好驚喜， 我地叫左綠豆沙， 涼粉，芒果西米露， 全部都好足料，又夠凍無唸過１５蚊可以食到咁大碗又足料既糖水， 好滿足。埋單一共３１７６ ， 為返都係一人５００ 蚊， 飲飽食醉好抵比，重點， 老闆包埋旅遊巴車返我地出大坑地鐵站， 好貼心既安排。為今日劃上完既句號。