Video
Read full review
2020-02-22
403 views
今次係我第三次嚟到呢間pancake店啦， 經過上兩次排隊排到傻，最後放棄冇食到之後， 我決定喺冷門嘅時間過嚟碰下運氣， 加上而家開多咗其他pancake店，我覺得呢度應該會少咗人排掛。嚟到見到前面大概有十個人左右，都ok啦， 已比上兩次少好多人， 好好彩, 我排咗半個鐘就可以入座喇。 我叫咗榛子朱古力焦糖香蕉班戟， 因為即叫即整㗎，所以都要等返大概四五個字先有得食。 等侯期間，隔離枱嘅班戟一上枱，個班戟香到坐喺隔離嘅人都聞到 ! 令我越嚟越期待我份班戟啦! 坐咗四五個字終於嚟到喇，賣相好靚， 個班戟放喺我面前香氣四溢，撲鼻嘅係好正嘅蛋香味， 我即刻攞刀叉試下個班戟本身嘅味道先， 蛋味非常濃郁，班戟裡面又香又滑，完全係我心目中最好食嗰種班戟! 我終於搵到喇! 然後加埋啲朱古力、香蕉嗰啲配料一齊食 ，全部都好夾好好食， 真係不枉我專登過嚟排咗半個鐘再等四五個字! 老實講，之前喺香港食過其他班戟店，喺日本又食過一啲出名嘅班戟店， 我都覺得唔夠呢度好食。 對於好食嘅班戟嘅要求，我好執著佢個蛋香， 如果做唔到呢樣我就會覺得失望。好開心呀! 終於畀我試到呢間期待已久嘅班戟店，仲要冇令我失望，份班
嚟到見到前面大概有十個人左右，都ok啦， 已比上兩次少好多人， 好好彩, 我排咗半個鐘就可以入座喇。
我叫咗榛子朱古力焦糖香蕉班戟， 因為即叫即整㗎，所以都要等返大概四五個字先有得食。 等侯期間，隔離枱嘅班戟一上枱，個班戟香到坐喺隔離嘅人都聞到 ! 令我越嚟越期待我份班戟啦!
榛子朱古力焦糖香蕉班戟
$119
24 views
0 likes
0 comments
坐咗四五個字終於嚟到喇，賣相好靚， 個班戟放喺我面前香氣四溢，撲鼻嘅係好正嘅蛋香味， 我即刻攞刀叉試下個班戟本身嘅味道先， 蛋味非常濃郁，班戟裡面又香又滑，完全係我心目中最好食嗰種班戟! 我終於搵到喇! 然後加埋啲朱古力、香蕉嗰啲配料一齊食 ，全部都好夾好好食， 真係不枉我專登過嚟排咗半個鐘再等四五個字!
老實講，之前喺香港食過其他班戟店，喺日本又食過一啲出名嘅班戟店， 我都覺得唔夠呢度好食。 對於好食嘅班戟嘅要求，我好執著佢個蛋香， 如果做唔到呢樣我就會覺得失望。
好開心呀! 終於畀我試到呢間期待已久嘅班戟店，仲要冇令我失望，份班戟正到冇得頂! 下次嚟到等我試下其他味先。 我終於明白點解佢咁多人排，因為佢真係特別好食。
Post
