黑布小巷 (黑布街) (Closed)

黑布小巷又係一間好多人食的小店，發覺我成日都過左熱潮先食🙈🙈 但經過梗係要支持下。佢地主要做外賣，如果想堂食都係開張摺枱係後巷食咁🤔-今次就試左台式肉蛋芝士吐司。真係好似大家講的咁，食到好易瀉晒出來🤣入面有一塊豬扒，流心蛋同芝士。豬扒厚薄適中，咬落去可以一啖食晒所有料😋 豬扒都好腍，一定咬得開🥳 隻蛋真係好流心，所以超多蛋汁，令到個toast一啲都唔乾。加上芝士，有小小拉絲就更加滿足。🥰 要挑剔的就係個包唔脆，唔知因為太多汁令佢即刻軟定烘得唔夠😢 呢到扣左小小分！-我地仲叫左個芋圓試下。佢係桂圓杞子三色圓，聽到個名都好滋潤😛 入口幾清甜，有淡淡桂圓味，仲有幾多的桂圓肉即係乾的龍眼肉🤩 芋圓的質地不過不失，偏腍左啲，亦唔覺好明顯的芋頭紫薯番薯味，重點係佢的芋圓份量小，好多啖都係整飲個桂圓水😣 佢都要三十幾蚊，所以性價比偏低。呢間小店的小食都好似唔錯，但價錢偏高，經過的都可以一試，幾推個吐司😎