廚十三老壇酸菜魚 (亨環‧天后) (Closed)

疫情之下好耐都冇上深圳食至愛既酸菜魚，最近有朋友向我推价一間喺天后電氣道(亨環天后)食四川菜叫厨十三老壇酸菜魚，話食過唔錯叫我一定要試下，所以星期二就約左幾個Friend出嚟試試，一個星期前已訂位，當日一到步店員即時安排入座，現場環境雖然唔算好大，但地方整潔光猛好企理的👍🏻👍🏻，睇完餐牌我地叫左老壇酸菜魚(土豪份)加左寬粉＆午餐肉另再叫左兩款小食:蔥油撈豬肚＆麻辣鳳爪，等左陣主角酸菜魚送到，個碗既Size差唔多有成張枱咁大非常架勢💪🏻😱，果然有土豪級嘅享受👍🏻😌，魚肉片份量好多又新鮮又好食唔會煮到霉霉爛爛，寬粉就正常午餐肉夠厚切，小食蔥油撈豬肚都不錯，特別推介個麻辣鳳爪，麻辣汁做得好香口鳳爪又夠爽脆，呢度除左食物好之外服務同樣好好，呢度男同女既店員服務殷勤有禮時常加茶同换碟，成班朋友都好滿意呢餐，覺得這間厨十三酸菜魚既質數比起深圳幾間知名既酸菜魚更加好食👍🏻👍🏻😋😋