天毅金燕窩莊 (Closed)

飲完早茶走去天后既天毅金燕窩莊食糖水，今次係第三次去，實在難忘呢度既香芒。石斛木瓜燉雪蛤 $38味道普通，內有 2 條石斛，我將一條放入口咬，硬的，但慢慢有一些脂膏滲出來，最後剩下渣子唔食得。石斛功能滋陰清熱，可以「補五臟虛勞，強陰益精，久服厚腸胃」。椰汁紫米冰糖燕窩 $48唔算係靚紫米，椰香味唔夠，但都可接受。我的至愛，富貴黃金窩 (香芒燕窩撈) $58 一個，芒果味非常香甜！一個字 <正> 呀！其實食甜品好味就可以，有無燕窩對我來講係無所謂，幫襯呢間都係大家一場開心多過想食燕窩，燕窩味被甜味遮蓋，實在無法得知燕窩味道。