嚐喜大不同特色餐廳小廚

Open Now

Now Closed

門面唔算特別，侍應佈局好有大排檔feel，繁忙時間需要等位，等位時間有啲長，但係非常值得。好正！食物質數出奇地有驚喜，試咗脆皮牛腩，啫啫芥蘭煲，臘腸滑雞煲仔飯。脆皮牛腩，半肥瘦，油脂香濃，炸漿脆皮非常鬆脆，撈埋鹹蛋黃，味道層次豐富，口感鬆脆肉質軟滑，令人有入口即溶嘅錯覺。啫啫芥蘭煲用芥蘭苗，配埋蝦乾，惹味爽脆。臘腸係廣東臘腸帶甜，好味，煲仔飯飯質啱啱好唔啱唔軟，有勁多飯焦，鍾意飯焦嘅人必食，煲仔飯豉油味道適中唔太鹹，非常之好食。姐姐們好細心，係上菜時間慢啲，等嘅時間比較長，因為太多人嘅關係，但係好嘅食物係值得等待嘅。