冬蔭公公 (Closed)

冬陰公公好似執剩沙田呢一間，一個人食冇乜所謂，就求其入去叫咗碗粉食。張枱預先已經放定筷子同紙巾，兩張紙巾都有污跡，我真係唔敢用。仲有佢嘅服務態度，呢間餐廳你可以形容為茶記嘅服務水準，但係裡面有啲害群之馬係低於茶記服務水準.....捧住兩碗粉埋黎問我係A餸定B餸，咁嘈我根本就聽唔到佢講乜，我問佢問我乜嘢，佢就好晦氣咁樣重複一次個問題，而家係咪有獎問答遊戲？答中先有得食？張枱三個人裏面有兩個人已經食緊，即係只需要一碗放枱，點解阿姐你唔睇下碗粉嘅枱號先放低，而要好悔氣咁樣問客人？味道方面唔錯嘅。揀嘅兩種餸同配菜份量都好足夠，而且花生好香脆，令到碗粉色香味俱全。杯凍檸茶都有茶記嘅水準。綜合來講，只係一兩個員工嘅低水準服務拉低左總評分，我會再幫襯嘅，我諗下次我會好彩啲遇返啲正常員工掛。