無辣不歡

Open Now

Now Closed

夜晚回到大圍，本來想食華x手撕雞，可惜人比較多，要等就免了。經過無辣不歡，新開張，有蕎麥麵，相對較健康，一試無妨。其實望望下，就覺得麻麻哋。首先手撕雞一大盤撕好唒放係室溫，唔知放咗幾耐。然後芝麻醬用的是日本牌子沙律汁，一吱落去就撈撈撈，對比其他舖自己調教下啲味就爭啲啦。然後蕎麥麵用的是急凍一餅餅個啲，烚一烚，沖水龍頭水過冷河。要了小辣。以事論事，雞有脾有胸嘅，但得室溫唔凍就認真麻麻，雞味就無架啦。蕎麥麵正常，不過撈麻辣就真係唔夾，唔係咩都炒埋一碟就好架。再評辣汁，唔掂，辣同麻都有，個麻到痺，唔平衡，味微苦，多數係油溫太高，乾料炸燶咗啦。整體而言，其實38蚊又唔貴，但我就唔會再食架啦，各方面都麻麻，或者叫麻麻不歡較好。