Video
Read full review
2010-11-01
97 views
師傅呢期同好友食家"乜都放入窿"真係見得幾密, 唔識師傅嘅都可能以為師傅係"基"架, 不過師傅好肯定咁講句, "師傅係鍾意女人的"! 同好友食家"乜都放入窿"見得密就當然食得密啦; 大約一星期前師傅同幾位好友暢飲過後, 好友食家"乜都放入窿"就叫師傅齊齊宵夜, 有得食師傅當然唔會say no, 於是好友食家"乜都放入窿"就問師傅想食咩, 師傅嗰刻淨係想食七喜, 於是兩食家就夜媽媽由旺角行到去太子喇!往七喜途中忽然見到呢間食店仍然有燈, 好似仲開緊工, 而好友食家"乜都放入窿"就同師傅講想試左呢間好耐, 其實師傅都係一樣, 於是兩條友就膽粗粗行去睇下間食店打烊未; 行到埋去, 估唔到仲有得食, 於是就一人柯打左一碗酸辣粉, 為了穩陣起見, 兩食家都只係揀左小辣!睇住煮酸辣粉嗰位師傅真係好熟手, 所以話咁快就煮好兩碗! 師傅好友食家"乜都放入窿"就行過隔離鋪, 入去涼住冷氣企喺度食; 師傅二話不說即試下個酸辣湯底, 湯底果然夠酸, 但酸得黎唔會過火, 係有開胃功效, 絕對唔需要飲水, 而配上小辣更可謂洽到好處, 皆因辣度夠之餘之唔會搶左酸嗰種味, 所以惹味得黎亦十分開胃, 好鬼正呀; 不
往七喜途中忽然見到呢間食店仍然有燈, 好似仲開緊工, 而好友食家"乜都放入窿"就同師傅講想試左呢間好耐, 其實師傅都係一樣, 於是兩條友就膽粗粗行去睇下間食店打烊未; 行到埋去, 估唔到仲有得食, 於是就一人柯打左一碗酸辣粉, 為了穩陣起見, 兩食家都只係揀左小辣!
睇住煮酸辣粉嗰位師傅真係好熟手, 所以話咁快就煮好兩碗! 師傅好友食家"乜都放入窿"就行過隔離鋪, 入去涼住冷氣企喺度食; 師傅二話不說即試下個酸辣湯底, 湯底果然夠酸, 但酸得黎唔會過火, 係有開胃功效, 絕對唔需要飲水, 而配上小辣更可謂洽到好處, 皆因辣度夠之餘之唔會搶左酸嗰種味, 所以惹味得黎亦十分開胃, 好鬼正呀; 不過師傅都好想知配上中辣或大辣會黎點呢? 至於個粉就幾粗身, 入口就十分煙韌彈牙, 咬口同口感一流, 真的非常出色, 所以唔需要任何配料, 淨係靠湯底同粉已經令到師傅吃到開巷呀!
總括黎講酸辣粉水準非常出色, 環境亦算舒服, 服務可以, 價錢唔貴, 十三蚊一碗, 而且份量唔少, 所以都算抵食, 至少咁嘅價錢同水準, 好過食碗仔翅啦! 師傅同好友食家"乜都放入窿" 邊吃邊讚, 有咁嘅水準, 笑臉絕對要比, 如果咁啱路過又唔使排隊, 整番碗都係一個不錯嘅選擇! 咪以為食完呢碗野就食完宵夜, 其實呢個只係當晚宵夜嘅序幕!
Post
