燒烤工坊 (Closed)

尋日諗住食健康啲，於是自己煮，但原來食得太健康係會唔飽嘅，夜晚咁啱去開佐敦，臨返屋企之前喺度買啲串燒當宵夜拎返屋企食。豬頸肉$13呢度啲串燒真係唔貴，豬頸肉都只係要$13。咬落去啲肉爽口彈牙，調味又啱啱好，非常香孜然味，越食越開胃。我都食咗幾啖先記得影相。韭菜$12串燒黎講，韭菜都真係算係我嘅最愛，口感又正，又索晒所有調味嘅香味。大大串韭菜，正啊。秋葵$16估唔到$16有五大條秋葵，可以話係最抵嘅食物。秋葵呢樣嘢有啲人唔鍾意食，有啲人好鍾意食，而我就係好鍾意食嘅。食五條真係好夠喉。墨魚咀串$26墨魚咀好彈牙，係價錢比起其他串燒貴咗少少姐，但墨魚咀真係夜晚必食。牛仔骨$33一份有四件，都算唔少，幾香牛肉味同埋孜然味。新鮮鮑魚（兩隻） $58鮑魚燒得好香，口感彈牙，就算用調味料燒過都仲食到鮑魚味，幾正。秘醬焗花甲$78呢個啲花甲好多，同埋唔會出現有殼冇肉嘅情況，隻隻都有肉。呢隻秘製醬汁好正，辣得黎仲好有香味，鹹得黎又唔會好鹹。食左咁豐富嘅宵夜，今次大滿足。