金御海鮮酒家 (胡社生行)

Open Now

Now Closed

今晚我們去咗「金御海鮮酒家」旺角店食宵夜！我們叫咗脆皮BB鴿、臘味煲仔飯、剁椒蒸魚雲、果皮蒸大連鮑魚仔同清蒸沙巴龍躉仔！脆皮BB鴿嘅皮完全唔脆，而且仲未煮熟，血水滲透晒出嚟，有啲嘔心，咁樣都可以出畀人客食，真係太過份喇！臘味煲仔飯嘅飯好似煮畀BB食嘅「爛飯仔」咁，一啲口感都無，臘腸又肥又無香味，真係極之難食！剁椒蒸魚雲嘅魚雲都算新鮮，醬汁還算惹味！果皮蒸大連鮑魚仔就不過不失！唯一一樣值得讚嘅係清蒸沙巴龍躉仔，肉質好新鮮彈牙！總括：以宵夜嘅價錢唔算太優惠！只有清蒸沙巴龍躉仔最抵食！同埋就算平都要注重出品嘅質素！