Video
Read full review
2021-11-17
209 views
早幾日去完迪士尼再出到旺角已經成夜晚九點鐘，又攰又餓之下剩係想快d醫飽個肚。想食有湯既野，於是就去咗旺角中心食鐵牛啦🤤紅燒牛筋腩麵 $68可以 +$3 轉台南刀削麵 份量十足，食量較少嘅女生一定食唔晒😂。先試個湯頭，算是濃厚甘醇, 亦帶點微辣，碗內還有酸菜和大量蔥花作配菜, 增加酸味和香口度。再試下牛肉，選用了金錢腱這部位, 還有牛腩和牛筋,, 牛肉煮得都夠軟腍嫩入味， 不過牛味未算十分濃厚。但牛筋今次就有d失手啦，都有幾舊煮得夠淋所以好好味，但有啲好明顯住得未夠耐，有少少偏硬，影響咗個口感。麵條是偏幼身那種, 都夠彈牙，但我中意食粗身硬面，所以呢種面就未太岩我心意了。 逢甲鹽酥雞 $39鹽酥雞有surprise，一份有5,6件雞，雞肉唔會炸得好老好硬，食落口都仲有少少肉汁。點埋個醬汁一齊食，好味！口水椒麻牛肚絲 $39又係另一個唔錯嘅小食，牛肚絲切成薄片所以唔會好韌，個口水汁亦都好夠味唔會太辣。涼拌小黃瓜 $30食餐飯最失望就係呢個😢黃瓜唔爽脆。而且係甜酸既涼拌，雖然我都鍾意食甜酸嘅涼拌。但我當下想食嘅係有麻油同醬汁，咸既涼拌，所以當下有啲失望。小碗滷肉飯$32雖然個名叫小碗但實際份
紅燒牛筋腩麵 $68
可以 +$3 轉台南刀削麵
份量十足，食量較少嘅女生一定食唔晒😂。先試個湯頭，算是濃厚甘醇, 亦帶點微辣，碗內還有酸菜和大量蔥花作配菜, 增加酸味和香口度。再試下牛肉，選用了金錢腱這部位, 還有牛腩和牛筋,, 牛肉煮得都夠軟腍嫩入味， 不過牛味未算十分濃厚。但牛筋今次就有d失手啦，都有幾舊煮得夠淋所以好好味，但有啲好明顯住得未夠耐，有少少偏硬，影響咗個口感。麵條是偏幼身那種, 都夠彈牙，但我中意食粗身硬面，所以呢種面就未太岩我心意
了。
逢甲鹽酥雞 $39
鹽酥雞有surprise，一份有5,6件雞，雞肉唔會炸得好老好硬，食落口都仲有少少肉汁。點埋個醬汁一齊食，好味！
口水椒麻牛肚絲 $39
又係另一個唔錯嘅小食，牛肚絲切成薄片所以唔會好韌，個口水汁亦都好夠味唔會太辣。
涼拌小黃瓜 $30
食餐飯最失望就係呢個😢黃瓜唔爽脆。而且係甜酸既涼拌，雖然我都鍾意食甜酸嘅涼拌。但我當下想食嘅係有麻油同醬汁，咸既涼拌，所以當下有啲失望。
小碗滷肉飯$32
雖然個名叫小碗但實際份量一啲都唔少喎。係可能因為我鍾意偏甜少少嘅滷肉，鐵牛嘅滷肉甜味比較少，不過都好食既。如果肉同汁多返小小就好啦！😛😂
另外嗌左杯冬瓜茶飲，但唔知係佢放太少冬瓜糖定係落得太多冰，成杯野好淡，扣分！
Post
