松記糖水店 (Closed)

今晚去咗呢間名店食糖水，出名嘅原因我估係佢分店多，其實佢啲糖水嘅味道都係一般啦，今晚叫咗熱嘅芝麻糊同埋熱嘅腐竹糖水，另外因為想食湯圓所以叫咗個六寶湯圓，顧名思義即係有六個味道啦。芝麻糊同埋腐竹糖水正正常常啦，不過想讚一讚佢嘅六寶湯圓，六隻唔同嘅味分別有紫薯紫米、花生、紅豆、綠茶、奶黃同埋芝麻餡，紫薯紫米同埋綠茶湯丸嘅顏色都好靚，味道都唔錯，配埋薑湯一齊上，味道唔錯。如果大家想食湯圓又覺得食得晒嘅話就寧願獨立叫一碗，因為咁樣叫會抵好多。