Video
Read full review
2018-10-06
2149 views
生平第一次寫食評，真係不吐不快，懶過鬼嘅我都忍唔住要打幾隻字向世人反映下。一家大細星期日食晚飯，點了：1: 燒豬腩仔 - 上枱嘅肉係燒中豬肉，又韌又柴皮，食咗幾十年燒腩仔，從來未試過咁難食的。用中豬肉冒充豬腩肉，根本就違反商品說明條例。2: 咕嚕肉 - 用嘅係豬頸肉，肥淋淋，咬落去每啖都標哂油入口，啲豬油味係口內浪來浪去，一路食一路想嘔。3: 黑椒日本和牛粒 - 啲牛粒係凍肉舖賣好cheap嗰隻，加上煮到好生，入面啲脂肪仍然係凍冰冰，全家人都咬一啖就吐番舊肉出嚟，成張枱都俾啲吐出嚟嘅牛肉血汁染紅，真係好核突。4: 燒鵝 - 皮唔脆，肉無味，老實講，大家樂同大快活燒嗰啲好食過佢三倍。5: 抄白菜 - 無乜特別。6: 壽包 - 正常壽包拳頭咁大，佢哋嘅壽包就只有X頭咁大，痴Q線，如果用嚟做壽個包得咁細，乜福乜壽都俾佢折晒啦。5個大人，4個白飯，5支啤酒，埋單2400，每人差不多俾500蚊食垃圾，唔止中伏甚深，直頭係無天理。P.S. 我哋7:30左右到場，星期日晚只有三份一枱有客，但食到8:30居然迫我地埋單。需然無錯係講過話頭輪由7:00食到8:30還枱，但佢哋全場得三份一枱有人坐，另外三
一家大細星期日食晚飯，點了：
1: 燒豬腩仔 - 上枱嘅肉係燒中豬肉，又韌又柴皮，食咗幾十年燒腩仔，從來未試過咁難食的。用中豬肉冒充豬腩肉，根本就違反商品說明條例。
2: 咕嚕肉 - 用嘅係豬頸肉，肥淋淋，咬落去每啖都標哂油入口，啲豬油味係口內浪來浪去，一路食一路想嘔。
3: 黑椒日本和牛粒 - 啲牛粒係凍肉舖賣好cheap嗰隻，加上煮到好生，入面啲脂肪仍然係凍冰冰，全家人都咬一啖就吐番舊肉出嚟，成張枱都俾啲吐出嚟嘅牛肉血汁染紅，真係好核突。
4: 燒鵝 - 皮唔脆，肉無味，老實講，大家樂同大快活燒嗰啲好食過佢三倍。
5: 抄白菜 - 無乜特別。
6: 壽包 - 正常壽包拳頭咁大，佢哋嘅壽包就只有X頭咁大，痴Q線，如果用嚟做壽個包得咁細，乜福乜壽都俾佢折晒啦。
5個大人，4個白飯，5支啤酒，埋單2400，每人差不多俾500蚊食垃圾，唔止中伏甚深，直頭係無天理。
P.S. 我哋7:30左右到場，星期日晚只有三份一枱有客，但食到8:30居然迫我地埋單。需然無錯係講過話頭輪由7:00食到8:30還枱，但佢哋全場得三份一枱有人坐，另外三份二係空枱，居然咁都迫客埋單。我問可唔可以坐多一陣，個經理話要交枱俾下一輪客，但其實鬼影都無隻，我真係即時O哂嘴，咁嘅服務真係無嘢好講。人生出外食飯無數，以呢餐最伏。
Post