莆田 (Closed)

難得全家人都得閒食飯，唔想阿媽咁辛苦索性出街食，加上阿媽好鐘意莆田啲口味，又坐得舒服，諗都唔使諗食莆田就岩哂。莆田既砂鍋紅糟雞食落非常有親切感，因為平時阿媽煲紅糟雞湯我地都好捧場，尤其細佬實飲兩碗。紅糟未去到豔紅色，反而有啲似南乳醬，醬汁口感都相似。經紅糟煮過雞變得嫩滑，又有絲絲酒香，味道可口唔偏鹹，木耳比雞更容易吸收酒糟味道。全家都深愛呢煲雞，哈哈。蟶子炒蛋啲蟶子新鮮肥美之餘，個炒蛋仲要好似平時食鮮奶炒蛋咁滑，當然呢度冇落鮮奶，但就有滑溜溜口感😋半夜諗起野食特別肚餓😣莆田十醉百秒黃花魚呢道招牌菜又一美味，黃花魚分開兩邊，除左可以令魚快啲熟之餘，亦可以吸收魚湯精華，魚肉更加鮮甜肉嫩。分開左亦方便夾啲魚，魚骨又比平時少左。莧菜皮蛋相當清新，爆香既蒜子令莧菜香氣撲撲，而且碧綠既莧菜非常鮮嫩。紫菜蟹肉豆腐湯啲紫菜好鮮甜，凍左飲都冇腥味，豆腐超級滑，阿媽最buy，不過蟹肉份量少左啲🙈overall個湯好好飲，真正海上風味。(細佬老婆係水上人，佢都話鮮到不得了)莆田興化炒米粉，今次多左少少油，不過依然好味，米粉幼細，配料炒得惹味鹹香。