Video
Read full review
2024-11-14
447 views
尖沙咀韓國街嗰頭超多韓國料理，今次去呢間餐廳菜式選擇超多，基本上講得出嘅韓式料理都會有，想食乜可以一次過試晒🤤！餐廳格局、菜式都相對上有屋企嘅感覺，有韓式燒肉同埋多款鍋物，仲有啲地道料理，好似年糕湯、辣炒章魚，每碟份量都唔少，性價比幾高💗！——————————🥓◖調味特大牛肋骨◗ $360牛肋骨肉大大塊，事先醃製過，肉質相對鬆軟多汁，完全唔驚燒耐咗會韌！大大片放上去燒，燒到半熟之後剪細，燒到微焦，焦香甜口，超好食！🐂◖香辣燉牛排骨◗ $280牛排骨煲上枱仲熱辣辣滾緊，會用啲蘿蔔嚟墊底，份量超足超有誠意，有成十嚿牛排骨，呢個價錢超抵食！牛排骨黐住啲筋膜，咬口爽脆，肉質鬆軟唔會乾柴；醬汁黏稠濃厚，偏甜口，均勻裹上食材，食食吓仲有些微辣嘅後勁，香辣惹味，必點🌟🌟！🍜◖冷麵◗ $110水冷麵麵條煙韌有咬口，加少少黃芥末一齊食，感覺清爽消膩，但略嫌佢個汁偏淡，未夠酸甜開胃～🌟Encore指數：9/10
——————————
🥓◖調味特大牛肋骨◗ $360
牛肋骨肉大大塊，事先醃製過，肉質相對鬆軟多汁，完全唔驚燒耐咗會韌！大大片放上去燒，燒到半熟之後剪細，燒到微焦，焦香甜口，超好食！
🐂◖香辣燉牛排骨◗ $280
牛排骨煲上枱仲熱辣辣滾緊，會用啲蘿蔔嚟墊底，份量超足超有誠意，有成十嚿牛排骨，呢個價錢超抵食！牛排骨黐住啲筋膜，咬口爽脆，肉質鬆軟唔會乾柴；醬汁黏稠濃厚，偏甜口，均勻裹上食材，食食吓仲有些微辣嘅後勁，香辣惹味，必點🌟🌟！
🍜◖冷麵◗ $110
水冷麵麵條煙韌有咬口，加少少黃芥末一齊食，感覺清爽消膩，但略嫌佢個汁偏淡，未夠酸甜開胃～
🌟Encore指數：9/10
Post
