Video
Read full review
2015-03-14
2317 views
最近愛上韓燒，今晚同家姐同同事黎到旺角燒一燒佢，貪呢度地點方便，而且有兩個鐘時間，可以慢慢燒。醬料先上枱，有辣醬，麻油加胡椒海鹽。之後再送上各樣前菜，泡菜，翠玉瓜，酸蘿蔔條，醃洋蔥，同凍豆腐，好食好食，呢度嘅生菜可以refill架。烤豬肉(調味) $108/200g調過味嘅豬肉甜甜地幾好味，半肥瘦燒起好甘香，肉質嫩口，原來豬肉都好好味。烤牛排骨(調味) $198/350g好香牛味，雖然唔多脂肪，但一啲都唔韌，又係好正。烤特級雪花肥牛 $198/150g特級果然係唔同啲，入口即化，超正牛味，牛油溶係口。梗係要包下生菜食，加少少醃洋蔥更正。韓式烤鰻魚 $178/200g燒個陣落左少少燒烤醬係上面，燒得幾靚！厚切好正口感，肥美甘香，差唔多比我一個人食哂成碟呀！烤干貝 $158/6pcs超大size，燒完都仲咁大粒，十分鮮甜，又係好好味。韓式拉麵 $58淨係食肉唔得嘅，叫左個麵食，都幾辣，麵質彈口。燒酒加益力多 (大) $178仲叫左野飲，本人唔太飲酒，所以只飲左一杯，益力多甜甜的幾易入口，唔錯唔錯。又係滿足嘅一餐，啱哂我地班食肉獸哈哈～
醬料先上枱，有辣醬，麻油加胡椒海鹽。
之後再送上各樣前菜，泡菜，翠玉瓜，酸蘿蔔條，醃洋蔥，同凍豆腐，好食好食，呢度嘅生菜可以refill架。
烤豬肉(調味) $108/200g
調過味嘅豬肉甜甜地幾好味，半肥瘦燒起好甘香，肉質嫩口，原來豬肉都好好味。
烤牛排骨(調味) $198/350g
好香牛味，雖然唔多脂肪，但一啲都唔韌，又係好正。
烤特級雪花肥牛 $198/150g
特級果然係唔同啲，入口即化，超正牛味，牛油溶係口。
梗係要包下生菜食，加少少醃洋蔥更正。
韓式烤鰻魚 $178/200g
燒個陣落左少少燒烤醬係上面，燒得幾靚！
厚切好正口感，肥美甘香，差唔多比我一個人食哂成碟呀！
烤干貝 $158/6pcs
超大size，燒完都仲咁大粒，十分鮮甜，又係好好味。
韓式拉麵 $58
淨係食肉唔得嘅，叫左個麵食，都幾辣，麵質彈口。
燒酒加益力多 (大) $178仲叫左野飲，本人唔太飲酒，所以只飲左一杯，益力多甜甜的幾易入口，唔錯唔錯。
又係滿足嘅一餐，啱哂我地班食肉獸哈哈～
Post
