Video
Read full review
2024-09-18
619 views
夏日熱辣辣，難免會令人飲多咗凍飲同埋食雪糕🤣🤣最近盡量都食得清淡啲🧏🏻♀️好友就帶我嚟到📍 富豪酒店🏨一嚐富豪金殿廚師團隊巧思設計一系列白冰美饌😍 用上零卡蒟蒻入饌，配以精選時令蔬果、食材，精心研配 20 多款創新中菜，兼顧滋味與健康🤟🏻🤟🏻🔹話梅萵筍精心挑選鮮嫰爽脆萵筍芯，先切成條狀再放入話梅水浸泡達四小時，食落帶點酸甜感，清香又消暑！🔹芥末冰鎮白靈菇珍稀食用菌 - 白靈菇口感細膩爽滑，鮮香入味，仿似鮑片般質感，沾以Wasabi及醬油更能提鮮！🔹萬物生長賣相超吸晴！由露筍、青瓜、白本菇、本地種植食用花組成，底部更有意大利紫椰菜蓉，好似盤景裝飾咁精緻！絕對要相機食先！建議可配搭鮮茄醬或特製乳酪醬，提升滋味感～🔹羅漢果南北杏豬肺湯未食主菜之前，先飲一碗熱辣辣嘅羅漢果南北杏豬肺湯暖胃，羅漢果具化痰止咳、開音利咽之用，加入南北杏、豬肺煲成湯，補肺潤燥，好啱長期處於冷氣地方嘅都市人飲用！🔹翡翠椒麻泡冬筍蒟蒻素菜餃鮮艷綠色非常吸引，咬開有時令冬筍、蒟蒻等，加入辛香花椒，微微辣好醒胃，餃皮煙韌有嚼勁！🔹金湯魚子醬松露鮮淮山粒蒟蒻蟹肉福袋超可愛嘅福袋包裹爽脆淮山粒、清香蒟蒻、飽滿蟹肉，加入鹹鮮味濃嘅
🔹話梅萵筍
精心挑選鮮嫰爽脆萵筍芯，先切成條狀再放入話梅水浸泡達四小時，食落帶點酸甜感，清香又消暑！
🔹芥末冰鎮白靈菇
珍稀食用菌 - 白靈菇口感細膩爽滑，鮮香入味，仿似鮑片般質感，沾以Wasabi及醬油更能提鮮！
🔹萬物生長
賣相超吸晴！由露筍、青瓜、白本菇、本地種植食用花組成，底部更有意大利紫椰菜蓉，好似盤景裝飾咁精緻！絕對要相機食先！建議可配搭鮮茄醬或特製乳酪醬，提升滋味感～
🔹羅漢果南北杏豬肺湯
未食主菜之前，先飲一碗熱辣辣嘅羅漢果南北杏豬肺湯暖胃，羅漢果具化痰止咳、開音利咽之用，加入南北杏、豬肺煲成湯，補肺潤燥，好啱長期處於冷氣地方嘅都市人飲用！
🔹翡翠椒麻泡冬筍蒟蒻素菜餃
鮮艷綠色非常吸引，咬開有時令冬筍、蒟蒻等，加入辛香花椒，微微辣好醒胃，餃皮煙韌有嚼勁！
🔹金湯魚子醬松露鮮淮山粒蒟蒻蟹肉福袋
超可愛嘅福袋包裹爽脆淮山粒、清香蒟蒻、飽滿蟹肉，加入鹹鮮味濃嘅松露醬及魚子醬，拌以香甜南瓜金湯、爽脆菠菜，味道層次夠哂豐富！
🔹酒香鮮淮山酸菜蒟蒻炒牛柳煲
上菜時會灑上玫瑰露並點火提香，濃香玫瑰露味芬芳馥鬱～澳洲牛柳粒脂肪分佈均勻，肉質柔嫩細膩，伴以濃醇醬汁就更滋味！淮山爽滑、蒟蒻夠彈牙，底部仲有酸香酸菜～
🔹雙蝦蒟蒻匯
出色手工菜！先以人手於越南白蝦中釀入秋葵絲及蒟蒻絲，再以天婦羅及快炒方式製成兩款不同口感嘅雙蝦菜式，可以試齊兩款口感！
🔹星洲炒蒟蒻烏冬
用上低卡蒟蒻烏冬，食得健康，減低邪惡感～配上星洲炒米方式炒製，濃濃咖喱香相當有驚喜！
🔹鮮芒腸粉
完熟芒果香甜又多汁，以椰汁製成爽滑味濃嘅腸粉，像真度高，而且甜度適中，作飯後甜品一流！
🔹蘆薈肆菓馬豆糕
晶瑩剔透嘅馬豆糕加入低卡又高纖嘅蘆薈，再配上芒果、士多啤梨、藍莓、青提，清甜果香口感輕盈～
🔹無花果馬蹄雪梨
今日以一碗清甜滋潤嘅糖水作結，爽脆馬蹄粒，配清香雪梨及無花果，潤肺生津、清熱一流～
富豪金殿✨
📍銅鑼灣怡和街88號富豪香港酒店3樓
Post
