Video
Read full review
2017-02-27
445 views
星期六晚都幾凍，又落雨。於是打算食蒸鍋。即日訂檯要20:45至有位，呢度頗隔涉，黎食的人多數有心黎食的。 一年幾前幫襯過，印象唔錯。今次再次叫套餐，每位$380，另加茶錢$10位，粥底$88一鍋（人多share抵好多）同埋叫左jar圓肉杞子茶（$38）。連加一埋單共$997，人均消費約$500。由於叫套餐關係，海鮮同肉類份量都以人頭計，可以樣樣試少少。整體感覺：海鮮好新鮮，特別鍾意貝殻類，例如沙白、花甲等。仲有大扇貝同青口，都好鮮甜。 蝦類有一人一隻大白蝦同癩尿蝦，蟹就每人半隻，都頗多蟹膏。 魚類有原條立魚（如果冇記錯魚名的話），魚油豐富，原汁原味。 食完海鮮都半飽，仲有糯米飯，鮮牛肉，雞肉撈麵等。 特別推介牛肉同雞肉撈麵，其中個撈麵醬係麻辣口味，好惹味！ 最後當然係全晚精華，將蒸鍋精華熬成粥！但我地實在太飽，只係每人淺嘗一小碗就打包了。 侍應服務幾足，基本上每一味食物都有人代勞。食完超級滿足，亦好飽呢！
星期六晚都幾凍，又落雨。
於是打算食蒸鍋。
即日訂檯要20:45至有位，呢度頗隔涉，黎食的人多數有心黎食的。
一年幾前幫襯過，印象唔錯。今次再次叫套餐，每位$380，另加茶錢$10位，粥底$88一鍋（人多share抵好多）同埋叫左jar圓肉杞子茶（$38）。
連加一埋單共$997，人均消費約$500。
由於叫套餐關係，海鮮同肉類份量都以人頭計，可以樣樣試少少。
整體感覺：海鮮好新鮮，特別鍾意貝殻類，例如沙白、花甲等。仲有大扇貝同青口，都好鮮甜。
蝦類有一人一隻大白蝦同癩尿蝦，蟹就每人半隻，都頗多蟹膏。
魚類有原條立魚（如果冇記錯魚名的話），魚油豐富，原汁原味。
食完海鮮都半飽，仲有糯米飯，鮮牛肉，雞肉撈麵等。
特別推介牛肉同雞肉撈麵，其中個撈麵醬係麻辣口味，好惹味！
最後當然係全晚精華，將蒸鍋精華熬成粥！但我地實在太飽，只係每人淺嘗一小碗就打包了。
侍應服務幾足，基本上每一味食物都有人代勞。食完超級滿足，亦好飽呢！
Post
