大邊爐火鍋店

Open Now

Now Closed

通常去親酒樓打邊爐都好嘈，不過如果你想靜靜地咁打邊爐，去大邊爐度打邊爐就啱晒啦。因為餐廳環境舒服又寧靜。打邊爐當然首選揀番個靚湯底，湯底足足有15款之多，任君選擇，我地揀左個海底椰青雞湯窩，喺未放食物之前，先飲左一啖湯，湯底味道清淡，有陣陣椰香雞味，湯中仲放左花膠，證明用料十足。另外，我們點左安格斯肥牛、脆香腐皮、牛丸拼梅菜豬肉丸同日本烏冬。安格斯肥牛色澤紅潤，紋理均勻，油花不絕，放入湯中輕輕涮幾秒半生熟即口，千萬唔好涮太耐時間，以免影響肉質，牛肉入口嫩滑，肉味濃厚，隨後脂香慢慢滲出，甘香可口。牛丸拼梅菜豬肉丸粒粒手打，咬落十分鮮甜彈牙有嚼勁。脆香腐皮鬆脆香口，入口即化。日本烏冬夠煙韌。