Video
Read full review
2019-08-22
281 views
雖然係大熱天時但都無阻我打邊爐嘅興致🍲，之前見朋友喺IG post過勁有中國風嘅餐廳原來就係碼頭故事，網上睇完menu又覺得都唔算貴，所以就一於試下，好彩有訂位，估唔到星期四晚都咁爆場。我哋雖然兩個人，但都好好彩有張四人檯，咁我哋就可以叫多啲嘢食喇哈哈🤣。首先嗌咗個湯底先，牛油鴛鴦鍋($138)，即係一邊係辣🌶嘅牛油紅鍋加一邊自選湯底，問店員有無推介，佢話大骨百味湯鍋同蕃茄湯都好食，最終決定要前者🐷🦴。個鍋底好快就上喇，四四方方勁大勁深，兩邊各有一個細兜方便淥啲細件嘢，一邊深紅色有好多辣椒八角胡椒等等，望見已經覺得🥵哈哈，另一邊就係奶白色嘅豬骨湯。聞唔到香唔香，因為一入餐廳已經充滿住好引人肚餓嘅麻辣火鍋嘅湯底味😂。店員見我哋未落調味，就好詳細咁介紹檯面有啲乜醬料，佢話食牛油辣鍋最好就係落果個罐仔裝嘅芝麻香油碟(連茶位，每人$20)，因為可以解辣會食落舒服啲，個油食落無咸味，但就好濃麻油香😍。我再加咗啲醋落麻油調味，好似食海蜇嗰啲汁哈哈，但真係救咗我好多，因為個辣對於我嚟講真係太辣了，不過淥完辣鍋再點麻油中和返就ok👌。但始終辣鍋都係唔啱我，所以我主要食豬骨鍋，而佢嘅豬骨鍋係好出色，好香
牛油鴛鴦鍋
$138
22 views
0 likes
0 comments
我哋雖然兩個人，但都好好彩有張四人檯，咁我哋就可以叫多啲嘢食喇哈哈🤣。首先嗌咗個湯底先，牛油鴛鴦鍋($138)，即係一邊係辣🌶嘅牛油紅鍋加一邊自選湯底，問店員有無推介，佢話大骨百味湯鍋同蕃茄湯都好食，最終決定要前者🐷🦴。個鍋底好快就上喇，四四方方勁大勁深，兩邊各有一個細兜方便淥啲細件嘢，一邊深紅色有好多辣椒八角胡椒等等，望見已經覺得🥵哈哈，另一邊就係奶白色嘅豬骨湯。聞唔到香唔香，因為一入餐廳已經充滿住好引人肚餓嘅麻辣火鍋嘅湯底味😂。
店員見我哋未落調味，就好詳細咁介紹檯面有啲乜醬料，佢話食牛油辣鍋最好就係落果個罐仔裝嘅芝麻香油碟(連茶位，每人$20)，因為可以解辣會食落舒服啲，個油食落無咸味，但就好濃麻油香😍。我再加咗啲醋落麻油調味，好似食海蜇嗰啲汁哈哈，但真係救咗我好多，因為個辣對於我嚟講真係太辣了，不過淥完辣鍋再點麻油中和返就ok👌。但始終辣鍋都係唔啱我，所以我主要食豬骨鍋，而佢嘅豬骨鍋係好出色，好香濃，一啲都唔味精，我專登剩飲咗幾啖🤤。但如果食完辣先食，就會變到無味，所以建議飲啖茶散返味先再食，同埋盡量分開筷子🥢淥兩邊，唔好混濁個豬骨湯哦。
到火鍋配料喇，有好多選擇花多眼亂，我哋兩個女仔叫咗好多嘢食，眼闊肚窄。如果多啲人嚟食會好啲，因為佢每樣嘢份量都唔細，少人食就食唔多咁多種類🥺。btw佢張餐紙有提示每樣嘢要淥幾耐✌️。
安格斯肥牛
$138
16 views
0 likes
0 comments
第一樣係安格斯肥牛🐂($138)，諗咗陣要呢樣好定一米肥牛好(個碟勁長好有霸氣)，但見安格斯牛嘅造型靚啲，同埋牛肉好似無咁肥就叫咗。果然無令我失望，雪花紋好靚，油脂分佈好均勻，每人食到好多塊，而且每塊夠大夠厚，唔會有唔夠喉嘅感覺👍🏻。
竹筒墨魚滑
$98
17 views
0 likes
0 comments
第二樣叫咗竹筒墨魚滑🦑($98)，個籃底有好多冰作保溫，上面就插住三支竹筒墨魚滑，自己再用匙羹刮落去，每支大概刮到四至五粒，份量十足。味道富有鮮味，但個人認為如果彈牙少少會更正。
手工青笋片
$48
19 views
1 likes
0 comments
第三樣係手工青笋片🎋($48)，青笋係我至愛😍。估唔到個造型勁精美，每片捲起咗再加埋啲紅棗點綴形成一個中式花形圖案。不過略嫌薄咗少少，淥落湯底索完湯都仲食到好清甜，但記住唔好淥太耐，如果唔係會無咁爽無咁好口感。
西洋菜手工餃子
$68
18 views
0 likes
0 comments
第四樣係西洋菜手工餃子🥟($68)，八隻整整齊齊放喺木盒到。西洋菜餃真係比較少見，我好鐘意陣味，而一咬落呢隻餃我就食到滿滿嘅西洋菜，非常正；另外個皮嘅厚薄亦啱啱好。
脆炸魚皮
$48
24 views
0 likes
0 comments
第五樣係脆炸魚皮🐟($48)，朋友想食所以嗌咗，本身自己一般。但呢到嘅魚皮令我完全改觀，因為係餐廳即炸㗎，同平日嘅包裝魚片簡直有天淵之別❗️❗️❗️上碟時仲有微溫，而且勁鬆脆，丁點硬都無，輕輕啅一啅湯，食到停唔到口。超級推介！
養生黑豆花
$58
18 views
0 likes
0 comments
第六樣係養生黑豆花🌷($58)，即係蜂巢豆腐，大約有九嚿，打邊爐一流，可以索哂湯啲精華，但如果索辣湯的話就真係要小心會被辣親哈哈。不過呢樣相對地無咁特別，比較大路。
鮮紅薯粉
$38
23 views
0 likes
0 comments
第七樣係鮮紅薯粉($38)，非常粗身，滑得嚟又夠煙韌，不過好難夾😂😂，手殘嘅我條條都要朋友幫手。呢樣亦係索湯之選。
紅糖冰粉
$20
22 views
0 likes
0 comments
最後一樣就唔係火鍋配料而係小食甜品，紅糖冰粉($20)。我一開始就落咗單，以為係甜品會後上，但好快就同啲配料一齊上，唔知係咪俾啲人一路食麻辣火鍋一路解辣😂😂。我就當佢係餐後甜品，冰粉本身係啫喱狀就無乜味，但配埋啲糖水就唔同哂，糖水唔係得個甜字，有少少酸酸哋，因為有山渣，同埋又有啲其他配料如菠蘿、棗類等等，幾夾幾好味，而且只係廿蚊好抵食🤩。
總括嚟講，我哋食咗好多嘢，唔明點解咁大食，但又真係食得哂🤰。餐廳質素令人滿意，就算好多客但店員嘅服務都好好，好有禮貌好友善😊，又會推介有乜好食。由於有茶費，每枱會有一壺茶，係麥茶嚟，幾正，可以自己添茶，唔使煩店員。湯底同食物都好味，而且份量夠，如果有啲食物可以叫半份就更好了，咁樣可以食更多。每樣食物單價其實唔算貴，但嗌下嗌下又唔係好平，不過見到openrice原來可以買半價coupon或訂枱app有優惠，咁就好抵👍🏻。環境方面，中式裝修幾靚啱哂打卡，亦夠闊落夠位放哂咁多碟嘢，但抽氣散味就一般，喺餐廳唔覺因爲夠冷氣同成場充斥住陣邊爐味，但一出餐廳就好覺🙈，不過餐廳都好貼心俾個籃你裝袋同個人物品，記得放入去哦，我就唔記得咗😅😅。五星⭐️推介呢間尖沙咀特色火鍋店。
Post
