Video
Read full review
2015-11-18
726 views
經常路過見排長龍或者閂左門，難得偷懶唔操拳走返上水，食完個加底車仔麵都唔夠飽，依然肚餓，又見無人就整多個巨狗試試啦。早前都有上 openrice 度 research 過有咩好野食經常排長龍，今晚第一次就由基本熱狗開始啦。芝士肉醬熱狗、奶醬熱狗、雪糕熱狗、邪惡芝士熱狗、奶醬熱狗，只有四款狗，其實我只需要簡簡單單茄汁、芥辣、酸醬已足夠，最緊要麵包同香腸高質好味！我又再次懷念美國 Costco USD1.5 既珍寶熱狗連汽水任飲呢！次次最少食兩隻，平靚正。有好多特色雪糕同奶色喎，不過我對甜野麻麻，不過生果沙冰可以試試。單點熱狗有點悶，炸魚？都好，79 號下個到我喇，食完車仔麵加多隻巨狗應該夠飽！芝士肉醬熱狗，秤秤先，夠墜手有份量，有 iPhone 6 plus 咁大隻。雖然唔係 8 吋巨腸，不過約 5 吋粗腸已經非常滿足，而且肉醬芝士塞得滿滿的。居然係我不太喜歡既脆包，好采只係薄薄一層脆皮啫，外脆內軟都無咁驚。唔係 UA 戲院硬到法包一樣既麵包，包皮厚到刮口，包肉又硬又韌，要花多點牙力先咬得到呢！芝士肉醬熱狗，即叫即做熱辣辣，連麵包都熱架！就算我既血盆大口要一啖咬落去都有點免強，要壓一壓、
經常路過見排長龍或者閂左門，難得偷懶唔操拳走返上水，食完個加底車仔麵都唔夠飽，依然肚餓，又見無人就整多個巨狗試試啦。早前都有上 openrice 度 research 過有咩好野食經常排長龍，今晚第一次就由基本熱狗開始啦。
芝士肉醬熱狗、奶醬熱狗、雪糕熱狗、邪惡芝士熱狗、奶醬熱狗，只有四款狗，其實我只需要簡簡單單茄汁、芥辣、酸醬已足夠，最緊要麵包同香腸高質好味！我又再次懷念美國 Costco USD1.5 既珍寶熱狗連汽水任飲呢！次次最少食兩隻，平靚正。
有好多特色雪糕同奶色喎，不過我對甜野麻麻，不過生果沙冰可以試試。單點熱狗有點悶，炸魚？都好，79 號下個到我喇，食完車仔麵加多隻巨狗應該夠飽！
芝士肉醬熱狗，秤秤先，夠墜手有份量，有 iPhone 6 plus 咁大隻。雖然唔係 8 吋巨腸，不過約 5 吋粗腸已經非常滿足，而且肉醬芝士塞得滿滿的。居然係我不太喜歡既脆包，好采只係薄薄一層脆皮啫，外脆內軟都無咁驚。唔係 UA 戲院硬到法包一樣既麵包，包皮厚到刮口，包肉又硬又韌，要花多點牙力先咬得到呢！
芝士肉醬熱狗，即叫即做熱辣辣，連麵包都熱架！就算我既血盆大口要一啖咬落去都有點免強，要壓一壓、捲一捲先剛剛好咬得到乍。濃厚芝士肉醬香味迎面而來，狠狠地大大啖咬落去，芝士肉醬即時激射，滿口滿手都係醬汁，都食得幾狼狽吓，不過有風味！幸好攞到返屋企先食啫。
熱辣辣脆皮熱狗腸，脆卜卜腸皮藏著滑滑的嫩肉，香而不咸，肉腸味道清爽甜美。爆開肉汁四踐，非常濕潤 juicy，看得到的蠢蠢欲滴，脆滑濕軟棉腍既質地同時出現，非常豐富！肉醬茄味濃濃，香口豬肉碎作為點綴，完全唔會有喧賓奪主搶去熱狗腸風頭既感覺。芝士跟蕃茄肉醬從天地初開時已經係絕配，半溶香滑暖笠笠芝士搭上肉醬再狠狠地摟抱著肉腸，賣相吸引又增加食慾，yummy yummy！讚，真係不妨試試。
炸魚塊，魚塊？同我想像既差好遠，係我腦海中只不停浮現出 fish & chips 既炸魚柳，並不是眼前既魚手指囉，賣相好吉烈吓，我一向對吉烈食物都麻麻地。因為覺得淨叫隻熱狗好鬼 dry，咪叫多款小食調劑一下，無咁悶麻。
即叫即做即炸，所以要耐心等候，新鮮出爐熱辣辣！咬啖睇睇先，用既係濃味青衣柳喎，並不是慣常既龍脷柳。青衣柳較重魚味而且質感結實，仲好香添。厚厚既蛋醬麵包糠緊緊鎖住肉汁，而且炸既時間恰到好處，魚肉滑溜富彈性，好魚！
如果鍾意食香口脆口炸物或吉烈既食家應該非常喜愛，厚厚麵包糠炸得金黃卜卜脆，質感近乎硬燒肉皮，配上沙律醬味道都唔錯架，只不過係唔啱我口味啫。我鍾意炸得鬆化、薄薄蛋醬、薄薄幼麵包糠或是天婦羅雲一樣既輕盈雪白炸醬，食到香脆又食到材料原味。最後我唯有當食蟹咁食，剪開個殼，魚肉美味啊！
Post
