三代目

Open Now

Now Closed

🉐座位寬敞🉐推介拌麵豚肉醬油魚介拌麵🍜麵條預先有調味過，上枱後自己再撈勻麵上面唔同嘅配料，有洋蔥、蔥粒、紫菜、竹筍、櫻花蝦、蛋黃，同埋魚介粉，將所有配料撈勻之後其實已經超級夠味，係比較少食到嘅味道，再加上兩塊肥瘦均勻嘅豚肉， 十分推介！自家製餃子🥟餃子喺餐廳自己整嘅，個皮好薄，煎得好香口，入面嘅餡係菜肉，調味啱啱好，再點埋餃子醋，都認真唔錯！燒牛舌🐮👅燒雞胸軟骨串🐥🦴串燒方面，我就揀咗燒牛舌同埋燒雞胸軟骨，牛舌燒嘅火候啱啱好，唔會太韌；而雞胸軟骨就非常有咬口，卜卜脆。鮮海膽💣一口壽司來講，海膽嘅份量一啲都唔算少，海膽都算新鮮，上面加埋芥末同青瓜一齊食，感覺清新。鮮水果茶🍓🍊🥭🍹水果茶有得揀凍同熱，水果份量超多，包括有士多啤梨、橙、熱情果、芒果、青檸等等，茶底非常濃郁，水果味道超級突出！香蕉朱古力奶昔🍌🍫🥛估唔到甜度啱啱好，朱古力同香蕉味非常之夾，仲有啲朱古力醬有掛杯效果，推介！