泰Grill (天晉匯)

Thai Grill（天晉匯）餐廳位於新界將軍澳唐俊街12號天晉匯一期地下,餐廳裝修簡約以木系為主調,門口有一幅霓虹燈管顯示此處係一個美食聚腳好地方,餐廳設有戶外座位可供有寵物客人選用,餐廳主打泰國菜,廚師由泰國人主理正宗地道泰國菜,服務員招呼有禮。軟殼蟹.蟹肉炒飯套餐前菜有青木瓜沙律,沙律配有車厘茄,紅蘿蔔絲和紅椒,微辣,清新清爽,酸酸地作為開胃的前菜。主菜軟殼蟹.蟹肉炒飯,有青瓜和車厘茄作伴碟,炒飯配料有青豆,紅蘿蔔,粟米,蟹肉和雞蛋,廚師烹調軟殼蟹炸到酥脆,食落鮮甜美味,炒飯粒粒分明香口。餐飲青檸梳打,夏天飲夠冰涼清新,青檸酸酸地增加食慾胃口。甜品芒果糯米飯,心型嘅椰漿糯米飯,口感軟糯帶有香濃椰香味,芒果香甜,食到齒頰留香。泰式小食拼盤小食拼盤內有炸蝦餅,雞翼和春卷,配有泰式甜辣醬,春捲炸到香脆可口,炸蝦餅食落爽口彈牙有口感,雞翼香噴噴係我摯愛食物之一。粒粒菠蘿梳打,特別大杯的粒粒菠蘿梳打,一大片菠蘿插喺杯邊有啲震撼,杯內還有幾片菠蘿,梳打酸酸地甜甜地好醒胃。