陳儀興飯店 (嘉悅)

Open Now

Now Closed

陳儀興喺香港有幾間分店，今晚約咗朋友食飯所以就去咗將軍澳嗰間，環境好企理，座位都算多，坐得幾舒服。椒鹽鱔球朋友好鍾意食鱔，鍾意白鱔嘅口感，爽口得來啖啖肉，二椒鹽嘅煮法就令到白鱔更加香口，炸得非常乾身，唔會油冧冧。鹵水鵝片你都食潮州嘢，又點可以唔試滷水呢，之前食過呢度嘅鵝片，今次水準一如以往，滷得好入味，而且冇骨啖啖肉，份量好多。蠔仔肉碎浸時蔬如果想食蠔仔但係又唔想食煎蠔仔咁熱氣，誠意推介嗌蠔仔肉碎浸時蔬，蔬菜可以隨自己喜好選擇，今次就揀咗油麥菜，蠔仔份量好多，粒粒飽滿，冇乜腥味。黃金鮮魷一向都好鍾意食鹹蛋黃魷魚嘅我，當然就要嚟呢度試吓啦，每一塊魷魚都比鹹蛋黃包裹住，鹹香味十足，而且魷魚非常新鮮，爽口彈牙，推介！脆皮落湯錢呢一道甜品無論係菜式名，定係賣相都十分特別，實際就好似將糖不甩煎香兩面，然後再沾滿花生糖碎，所以食落比糖不甩更加乾身同香口。