La Vache!

Open Now

Now Closed

之前成日聽同事講依個餐廳唔錯，早排網上見到有promotion可以用優惠價食就即刻book位。今次weekend黎食lunch，接近兩點黎到人都仲幾多下。餐廳無menu，價錢得一款，個個都係食同樣嘅菜。一坐底無耐個侍應會問係咪第一次黎，然後會同我地解釋，基本上每人淨係需要揀牛扒要幾多成熟。首先都會有一碟沙律同法包食，法包有兩片，沙律都幾大碟，裡面仲加左核桃。食完之後就上牛扒，牛扒上嘅時候會有個火爐喺下面熱住，所以如果覺得唔夠熟可以擺上面煮一煮先。我叫左medium，黎到嘅時候雖然有一兩塊over cooked，不過整體都ok，肉嘅中間位置依然係pink而且好淋。佢有提供蘑菇汁可以點牛扒，不過我覺得齋食好味啲。除左牛排之外，侍應會成個兜拎啲薯條黎分比我地。不得不讚啲薯條超級好食，同平時食開嘅唔係好同。食落牛油味好香，易入口，熱辣辣送到黎真係停唔到口。不過唯一一樣野係覺得薯條嘅鹽都灑得比較多，食得多就會覺得有啲鹹。佢啲薯條係無限量供應架，岩哂薯仔控。我依個套餐食完之後仲有包甜品藍莓撻。雖然佢好快已經換哂甜品刀叉比我地，不過甜品等得耐左啲，差唔多15分鐘都未黎，要之後問個侍應佢先serve。