好旺角粥麵專家

Open Now

Now Closed

今晚放工後，打算同陳生到旺角買相機，買之前醫飽個肚先。唔知大家有冇同感，每次到旺角，即使旺角有好多食肆，但硬係唔知去邊度食飯好！如是者，咁啱經過洗衣街時，見到紅色招牌嘅「好旺角」，地方整潔光鮮，而且有位唔駛等，一於入去食餐便飯。******************************望見個餐牌先知自己有眼不識泰山，原來好旺角場1972年創立已經有42年歷史，我同陳生叫咗餐牌上有個LIKE喺隔離嘅鮮蝦雲吞河﹠鳳城水餃撈麵，信心保證！先講我碗鮮蝦雲吞河（＄27），共4粒雲吞藏於河粉底，我鍾意河粉湯底幾清淡，河粉軟滑；但鮮蝦雲吞未見出色，雲吞餡料有點過咸，鮮蝦細小，以＄27價錢來講，整體合格。我覺得陳生叫個碗鳳城水餃撈麵（＄39）比較吸引！水餃皮薄，味道尋常，未見特別之處；反而撈麵令整碗水餃麵味道提升，油份充足嘅撈麵彈牙爽滑。簡簡單單，咁又一餐。******************************用餐時，見到搭枱嘅客人食豬手撈麵食得津津有味，看來下次有機會也要回頭試試！另外，幫我地落單嘅老伙記好似執到金咁，面帶笑容，值得一讚。