Video
Read full review
2023-06-20
312 views
今次為左尋找世一米線，不惜放假走到大西北屯門試下地頭蟲雲川米線。點解話佢係地頭蟲，原因係雲川係米線界黎講好受歡迎，所以開左5間分店，但5間分店全部都開係屯門，名符其實係屯門地頭蟲米線。因為過左午飯時間，所以好彩唔駛排隊就食到。其實我每次揀食店前，都會做定Research，究竟呢一間值唔值得去，如果值得，應該要揀咩菜式或餸菜。而今次就叫左呢度最出名的豬頸肉，另外試一間麵店有無做得好，就會揀最普通的餸菜，通常我都會揀蘿白，睇下整成點。米線送上後，發覺湯底的顏色比較鮮艷，同以往食開雲南米線的湯底唔同。試飲一啖後，發覺好有驚喜，除左顏色唔同外，味道都係與眾不同。係麻辣的湯底上充滿豬骨味，唔會好刺激到你喉嚨，令到你飲個湯時會好舒服，會繼續想飲落去。呢個感覺係之前食過麻辣米線上搵唔到的，難怪咁受歡迎!餸菜方面，豬頸肉望落去有少少乾，但食落去外脆而內軟。反而蘿白有些瑕疵，雖然做到無渣，但我稍為覺得蘿白芯未夠入味，如果再炆耐D或者切細塊些會更加好。總體而言，食完之後終於明白點解可以係同一區不斷開分店。雲川米線，絕對係我Top 3之選!
因為過左午飯時間，所以好彩唔駛排隊就食到。其實我每次揀食店前，都會做定Research，究竟呢一間值唔值得去，如果值得，應該要揀咩菜式或餸菜。而今次就叫左呢度最出名的豬頸肉，另外試一間麵店有無做得好，就會揀最普通的餸菜，通常我都會揀蘿白，睇下整成點。
米線送上後，發覺湯底的顏色比較鮮艷，同以往食開雲南米線的湯底唔同。試飲一啖後，發覺好有驚喜，除左顏色唔同外，味道都係與眾不同。係麻辣的湯底上充滿豬骨味，唔會好刺激到你喉嚨，令到你飲個湯時會好舒服，會繼續想飲落去。呢個感覺係之前食過麻辣米線上搵唔到的，難怪咁受歡迎!
餸菜方面，豬頸肉望落去有少少乾，但食落去外脆而內軟。反而蘿白有些瑕疵，雖然做到無渣，但我稍為覺得蘿白芯未夠入味，如果再炆耐D或者切細塊些會更加好。
總體而言，食完之後終於明白點解可以係同一區不斷開分店。
雲川米線，絕對係我Top 3之選!
Post
