Video
Read full review
2022-08-14
4404 views
想吃懷舊菜，要價錢合理又好味，真係越來越難搵，嶺南會所乎合晒以上要求，不過由於係會所，必須要會員才能訂枱。今晚一行七人 ，一早預訂了菜單，所以可以輕輕鬆鬆坐低就有得食。清酒冰鎮鮮鮑魚，鮑魚煮得啱啱好，林滑得嚟又有口，清酒鹵水味道適中，值得一試！高湯蟹肉冬瓜盅，呢個時候食冬瓜盅最合適，而且呢度選用嘅冬瓜係大冬瓜，配料又豐富，清甜可口。上湯龍蝦煎米粉，呢個一定要試，外邊酒樓一般都係配伊麵，呢度用米粉，相對冇咁肥膩，而且煎過嘅米粉，索曬啲汁，真係好好味。加上龍蝦啖啖肉，上碟時擺番隻龍蝦造型，色香味俱全。黑松露酥炸桶蠔，我每次同家人來食呢味餸，可能有十二三人，都係預左每人一隻。唔知點解，今次我哋七個人，寫菜單嘅時候，無特別註明，但竟然上枱時係咁大碟，每人有三隻，隻蠔又肥美，鮮嫩多汁，加埋黑松露一齊炸，好惹味！仁稔蒸魚雲，掛住食，唔記得影相😅。一般蒸魚雲，通常用蒜頭豆豉蒸，但係今次用仁稔蒸，第一次食，帶有少少酸酸甜甜，好開胃。因為今次飯局主題係想食懷舊菜，呢味餸真係值得推介比鍾意食魚雲嘅朋友仔要試吓。蝦子柚皮扣鵝掌，既然要食懷舊菜，呢道菜就真係不二之選，雖然材料唔喺好矜貴，但係做嘅功夫一啲都唔
今晚一行七人 ，一早預訂了菜單，所以可以輕輕鬆鬆坐低就有得食。
清酒冰鎮鮮鮑魚，鮑魚煮得啱啱好，林滑得嚟又有口，清酒鹵水味道適中，值得一試！
高湯蟹肉冬瓜盅，呢個時候食冬瓜盅最合適，而且呢度選用嘅冬瓜係大冬瓜，配料又豐富，清甜可口。
上湯龍蝦煎米粉，呢個一定要試，外邊酒樓一般都係配伊麵，呢度用米粉，相對冇咁肥膩，而且煎過嘅米粉，索曬啲汁，真係好好味。加上龍蝦啖啖肉，上碟時擺番隻龍蝦造型，色香味俱全。
黑松露酥炸桶蠔，我每次同家人來食呢味餸，可能有十二三人，都係預左每人一隻。唔知點解，今次我哋七個人，寫菜單嘅時候，無特別註明，但竟然上枱時係咁大碟，每人有三隻，隻蠔又肥美，鮮嫩多汁，加埋黑松露一齊炸，好惹味！
仁稔蒸魚雲，掛住食，唔記得影相😅。一般蒸魚雲，通常用蒜頭豆豉蒸，但係今次用仁稔蒸，第一次食，帶有少少酸酸甜甜，好開胃。因為今次飯局主題係想食懷舊菜，呢味餸真係值得推介比鍾意食魚雲嘅朋友仔要試吓。
蝦子柚皮扣鵝掌，既然要食懷舊菜，呢道菜就真係不二之選，雖然材料唔喺好矜貴，但係做嘅功夫一啲都唔少，而且柚皮吸收晒汁料嘅精華，加埋炆得好林滑嘅鵝掌， 真係一味值得叫嘅餸菜，冇得輸！
啫啫棠生菜，一餐飯都要食得均衡，所以菜蔬方便，簡簡單單叫個啫啫棠生菜。味道中規中矩。
蓮子百寶鴨，相比對上一次喺另一地方食過嘅八寶鴨，呢隻鴨嘅賣相都幾靚，裡面嘅材料都好豐富，不過隻鴨實在太大隻，最後為免浪費食物，當然要帶番屋企。。。
自選甜品 可以揀紅豆沙，芝麻糊，涼粉配雪糕，雪糕三種味道都好好味，包括香芋，椰子，芒果。香芋味道好濃郁，要推介！如果喜歡食椰子味雪糕，呢個都唔會令你失望，芒果味好有兒時嘅回憶，真係好想問佢地係用邊隻牌子嘅雪糕😅
Post
