盈海四季中日火鍋料理 (Closed)

星期日瞓醒食完早餐諗住去中大遊未圓湖，遊咗一陣就散步到科學園 lunch，經過呢間見有檯就坐底，叫咗個午餐茄子炆伊麵加個泰式沙律，然後再叫 xo 醬炒蘿蔔糕同腐皮卷。蘿蔔糕好味但份量好少，腐皮卷比較油，伊麵上檯時睇落好淋但食落又 ok，泰式木瓜沙律幾開胃好味，但用個邊爐醬料兜上，個兜已經細，仲要用塊生菜墊高，木瓜沙律成本唔高，收 $18 都要咁𠱓啲客就唔好。對住個靚景環境空礦食嘢人都舒暢啲，見其他食評講到服務態度差我又唔覺，有機會都會再幫襯，食完浴吐露港散步去大埔都好舒服。