老友記廚房

Open Now

Now Closed

2021年搬入油塘附近，收到宣傳外賣紙，所以搵日入左試。晚市個度人流好少，所以餐廳都無咩人食坐得好舒服，小菜仲意外地好食。由個日開始我地就變左常客，仲不斷介紹俾骨友。每星期都會食一次或者叫佢外賣，就算今年年中，發覺d野食無咁好食，可能轉左廚師，但我地都堅持每星期幫襯。直到2022年9月，我地打算去食早餐，入到去掃針卡發現過左期。因為我本身好遲打第二針，政府初時政策係第2針同第3針要隔6個月，然後之後突然改做5個月。我沒有留意，當日入餐廳咁岩既係5個月至6個月之間，所以不能堂食。咁我地就買外賣自取啦，俾完錢企左係門口帶住口罩等，我地附近既枱亦無人坐低食緊。但著住粉紅色衫高級d個職員過來趕我地出門口，堅持我地要係餐廳出面等，但講緊出面成30幾度十分曬。職員強調呢個係所謂公司政策，一定要我地出去，態度十分強硬同惡劣。經過今次同體驗，我地決定唔再幫襯，服務態度十分惡劣，野食又難食左。就算你係熟客都照趕你出門口等。