Happy Lemon (Closed)

我都係第一次黎呢度飲野，不過可能係放學時間。所以人都比較多，等就等得耐左小小。不過都算啦，其實都預左。紅豆布丁抹綠都飲過幾間台式飲品店既紅豆，呢間既紅豆算幾淋。食落好有咬口，而且紅豆唔算太甜。味道也不錯。而布丁就係普通貨色，無乜特別。而個綠茶味都幾濃，唔會太甜。整體上都唔錯既，而且都算幾大杯。我覺得呢"餐"都唔錯，以前覺得呢個集團既飲品又貴又唔好飲。如果有機會，實會試下其他種類既飲品。