金鶴拉麵 (九龍城道) (Closed)

係附近車房等整車，上openrice睇有咩食可以俾我地hea2粒鐘搵到金鶴拉麵好似好多好評，加上食過其他分店，所以打左電話過黎留位店職員超好服務，叔叔（冇問名tim）知我地身水身汗特登開大左少少冷氣俾我地。叫左個北海道超濃蟹湯拉麵，同埋極濃白雞湯沾麵。好快就有得食，試一啖蟹湯，絕對對得住超濃蟹湯拉麵呢個名，碗麵入面有好多蟹肉！同埋湯底比較厚身，每條拉麵都可以沾到d湯，唔會好咸，好好食，糖心蛋亦都整得好出色，師傅好有心機去煮另一碗白雞湯沾麵，沾麵湯底單獨飲會比較濃味，但如果係沾，就岩晒味，雞肉好淋，好滑。咁岩見到佢地出緊外賣，附近街坊可以拎返屋企食啦