Video
Read full review
2024-07-25
587 views
本身都唔明點解男朋友會book呢間餐廳因為雖然都近地鐵但如果搭我地搭開嘅東鐵線就要行十分鐘但星期六去到見到呢個唔近灣仔最旺一帶嘅餐廳居然都滿座就覺得呢間餐廳應該有啲來頭!今次先講總結先就係路易奇係我見過最低調而重細節嘅餐廳有啲地方第一眼睇冇特別要坐耐咗先會留意到細節例如好多餐廳都會由得抽氣扇等暴露喺天花路易奇就特別做咗個有斜度嘅天花收埋令視覺上感覺乾淨舒適好多另外 通道位置嘅櫃亦特意整成一個有弧度嘅櫃減低食客通過時嘅壓迫感向公園方向嘅落地窗底部做咗漸變嘅矇糊化效果望出去會見到樹木但就唔會見到車同行人令室內感覺悠閑得多另外無論幾靚嘅餐廳平時去到一啲share嘅section個整潔度都會減低但路易奇嘅調味料區就乾淨到好似display咁店員仲介紹呢系列嘅調味料係路易奇獨家專程喺台灣送過唻所以我亦都特意試一試淨係食佢嘅調味果然係細緻啲調味粉都好似粉底咁細雖然係少少嘅份量但味道都好有層次完全唔會一味死咸死辣其他嘅調味例如油封大蒜、日式鹽蔥、檸檬角呢啲都好建議大家試吓淨係食一食佢會好感受到餐廳好有心思要平凡事都做得與別不同仲有就係店員真係好好佢嗰種親切係周到之餘一種冇商業味嘅親切講完就講最重點嘅
本身都唔明點解男朋友會book呢間餐廳因為雖然都近地鐵
但如果搭我地搭開嘅東鐵線就要行十分鐘
但星期六去到見到呢個唔近灣仔最旺一帶嘅餐廳
居然都滿座
就覺得呢間餐廳應該有啲來頭!
今次先講總結先
就係路易奇係我見過最低調而重細節嘅餐廳
有啲地方第一眼睇冇特別
要坐耐咗先會留意到細節
例如好多餐廳都會由得抽氣扇等暴露喺天花
路易奇就特別做咗個有斜度嘅天花收埋
令視覺上感覺乾淨舒適好多
另外 通道位置嘅櫃亦特意整成一個有弧度嘅櫃
減低食客通過時嘅壓迫感
向公園方向嘅落地窗底部做咗漸變嘅矇糊化效果
望出去會見到樹木
但就唔會見到車同行人
令室內感覺悠閑得多
另外
無論幾靚嘅餐廳
平時去到一啲share嘅section
個整潔度都會減低
但路易奇嘅調味料區
就乾淨到好似display咁
店員仲介紹
呢系列嘅調味料係路易奇獨家
專程喺台灣送過唻
所以我亦都特意試一試淨係食佢嘅調味
果然係細緻啲
調味粉都好似粉底咁細
雖然係少少嘅份量
但味道都好有層次
完全唔會一味死咸死辣
其他嘅調味
例如油封大蒜、日式鹽蔥、檸檬角
呢啲都好建議大家試吓淨係食一食佢
會好感受到餐廳好有心思
要平凡事都做得與別不同
仲有就係
店員真係好好
佢嗰種親切係周到之餘
一種冇商業味嘅親切
講完就講最重點嘅食物!
呢款生牛肉佐巴馬臣芝士
我覺得算得上係signature dish
牛肉他他都好常見
但佢加巴馬臣芝士同魚子嘅配搭
就令牛肉即使唔似一般他他牛咁咁多調味都有好豐富嘅層次
多士
用鬆軟嘅多士去配係好好嘅做法
平時西餐配嘅比較多見係薄脆嘅多士
當啲牛嘅油花比較多
就會好易膩
用鬆軟嘅多士去配
一唻平衡油脂感
二唻就連包都有牛味
非常夾
店員好細心咁同我地介紹
呢個菲力牛排佐香蒜奶油
食法係先輕輕燒熱牛嘅兩邊
因為肉身比較厚
可以剪開一半再放落香蒜奶油
成個落去煮
菲力牛排肉質非常鬆軟
好容易掛到醬汁
另外嘅
法式奶油生蠔
日本刺身帶子
月見蔥花飯
日本山藥、櫛瓜
作為配角都襯托得好好
即使係一個蔥花飯
都感受到唔止係擺盤靚
而係用嘅米、蛋都同一般有少少唔同
好欣賞呢間餐廳嗰種每個細節都認真嘅態度
Post
