Video
Read full review
2021-09-23
185 views
其實到底俾左幾多錢買好評？book左枱7點黎到，冇人係門口招呼，企左好耐先有人理我地。成間舖得4-5個人，做樓面嘅又會入去做埋廚，5條友分工亂咁黎。7:15-7:20左右落左單，舉左超耐手先有人寫單。等到7:50先有第一本野飲上？？？叫左個蜜瓜沙冰，跟餐要加$20，原價$60up。陣味好假又好淡，個杯好細食得好狼狽係咁跌。叫左一個$108嘅芝士煙肉雞柳意粉，賣相都okay，咬第一啖啲小學回憶湧曬出黎。啲意粉係有營午餐嘅味道，連最常見嘅超市藍色b字頭意粉嘅質素都冇，係真。有營午餐$20蚊一個lunch嘅意粉：）雞柳係急凍雞柳，成兜野又淡又冇汁又冇煙肉味。之後叫左個$168嘅鹹豬手拼薯角，薯角冇貨轉左薯條，但係茶記超平急凍薯條嘅味，份量又少。個豬手都尚可嘅不過有豬毛。另外仲有杯雪糕咖啡，啲冰多到以為係砂冰。成餐飯係試左啖已經唔想食，早知去買盒燒味飯好過。間野全部服務差到貼地居然仲收加一？？？好心少少成本都唔肯出就咪學人開餐廳啦成間都急凍垃圾食材，咩都用最cheap嘅材料，我真係唔明你賣之前冇試食嫁咩？定係為左賺錢，試完明知咁垃圾都賣得出手？
book左枱7點黎到，冇人係門口招呼，
企左好耐先有人理我地。成間舖得4-5個人，
做樓面嘅又會入去做埋廚，5條友分工亂咁黎。
7:15-7:20左右落左單，舉左超耐手先有人寫單。
等到7:50先有第一本野飲上？？？
叫左個蜜瓜沙冰，跟餐要加$20，原價$60up。
陣味好假又好淡，個杯好細食得好狼狽係咁跌。
叫左一個$108嘅芝士煙肉雞柳意粉，
賣相都okay，咬第一啖啲小學回憶湧曬出黎。
啲意粉係有營午餐嘅味道，
連最常見嘅超市藍色b字頭意粉嘅質素都冇，
係真。有營午餐$20蚊一個lunch嘅意粉：）
雞柳係急凍雞柳，成兜野又淡又冇汁又冇煙肉味。
之後叫左個$168嘅鹹豬手拼薯角，
薯角冇貨轉左薯條，
但係茶記超平急凍薯條嘅味，份量又少。
個豬手都尚可嘅不過有豬毛。
另外仲有杯雪糕咖啡，啲冰多到以為係砂冰。
成餐飯係試左啖已經唔想食，
早知去買盒燒味飯好過。
間野全部服務差到貼地居然仲收加一？？？
好心少少成本都唔肯出就咪學人開餐廳啦
成間都急凍垃圾食材，咩都用最cheap嘅材料，
我真係唔明你賣之前冇試食嫁咩？
定係為左賺錢，試完明知咁垃圾都賣得出手？
Post
