香港郵意明信片航海主題咖啡廳 (Moved) New Location

成日去灣仔嘅我真係唔知道有間咁有特式嘅主題餐廳， 位於安樂里嘅小巷竟然有間以明信片同航海主題嘅 cafe, 由門口嘅紅色郵筒到店內嘅明信片都好有特式. 入到店內真係好多明信片同一 d 航海嘅布置， 仲有好多精選嘅產品可以買嚟帶回家㗎。 之前去台灣都有去個呢款cafe, 入到去無人埋㗎， 呢到無人招呼㗎， 自己搵位， 自己去水吧落單， 仲要自己清理碗碟(其實只係交返去水吧), 都可以訓練自覺性嘅。 呢到仲有喵店主睇場㗎， 一出嚟巡舖就大大聲話我地知， 係啦係啦， 我地會遵守規矩喇， 其實由唔只得一隻貓咪㗎。 除咗牆上大大嘅餐牌， 其實每張枱都有嘅， 食物選擇唔算多，但都有特式食品選擇.   朋友揀咗 All Day Breakfast, 呢個 Breakfast份量都唔少， 而且仲有三文魚，黑松露炒蛋 , 煙肉同香腸， 真係當晚餐都得。 我就好肚餓喇， 所以叫咗滑蛋豬扒飯丼,  厚厚嘅吉列豬排， 大件多汁， 仲有好多木魚片同蝦子伴中華沙律.紅柚子梳打 唔太甜， 柚子香味蠻好飲。 地方舒適， 好適合同朋友傾吓計， 慢慢坐都唔錯。