US813 (Closed)

今日Lunch蛇王黎到屯門做物理治療，跟手梗係食埋個午餐先走啦，我自己本身一向唔太鍾意幫襯各大連鎖店，咁啱呢個商場就有一間個樣幾靚仔嘅餐廳，於是就決定入去試下。呢間餐廳以各式各樣意大利粉為主打，d意粉名都好得意，例如拐子麵、水管麵，其實即係大粒d嘅通心粉同埋粗身少少嘅直通粉，叫咗個芝士焗拐子麵，再加咗杯芒果沙冰，我覺得唔係唔好食嘅，不過拉到絲但係又唔夠芝士香味，估計佢只係用咗拉絲嗰隻芝士，要溝多隻濃味芝士效果會好d，同埋唔知點解焗完都好濕，我expect焗咗係會乾身d。至於杯沙冰都幾好，唔太甜，但係如果可以香d會更加開心啦。