Video
Read full review
2021-07-23
1281 views
每次去銅鑼灣想食上海野既時候, 都會第一時間諗起滬揚川, 呢間小店應該幫襯左 8-10年, 每次去都會見到老闆仔坐係門口既收銀位, 玻璃門未推開時, 都會好習慣樹起手指向老闆仔示意幾位, 雖然佢唔會太熱情咁笑住, 但會完全 feel 到佢果種親切感, 可能去得多, 佢係認到人但無太大既表示 ! 有位的話佢就會叫我地坐邊張, 如果無就會好禮貌咁話等等, 一陣就有位, 因為係小店既關係, 客人通常都係食完就起身, 唔會好似一般食肆咁, D 人會坐係度傾計玩手機 ! 食物方面, 每次來都一定會叫既三樣就係醉雞 - 大大碟, 花雕味岩岩好, 而且係雪得好夠凍好入味 ! 第二樣一定叫既就係酸辣湯, 講真酸辣湯好多地方都有飲過, 但個人口味就覺得佢呢度既味道岩岩好, 唔會過酸過辣, 而且入面既材料非常足, 另外就係好夠熱 ! 食上海野當然唔少得既就係小籠包, 而呢樣亦係我必叫既一樣, 皮薄之餘, 入面既湯好好味, 完全係肉汁既精華, 但食果時真係要小心唔好淥親, 入面既湯係非常熱 ! 今次另外再加左個鱔糊粗炒, 好耐無食鱔糊, 佢呢度完全係洗得好乾淨, 而且係爆個黃鱔好香, 再加埋個汁, 上海粗麵
食物方面, 每次來都一定會叫既三樣就係醉雞 - 大大碟, 花雕味岩岩好, 而且係雪得好夠凍好入味 ! 第二樣一定叫既就係酸辣湯, 講真酸辣湯好多地方都有飲過, 但個人口味就覺得佢呢度既味道岩岩好, 唔會過酸過辣, 而且入面既材料非常足, 另外就係好夠熱 ! 食上海野當然唔少得既就係小籠包, 而呢樣亦係我必叫既一樣, 皮薄之餘, 入面既湯好好味, 完全係肉汁既精華, 但食果時真係要小心唔好淥親, 入面既湯係非常熱 ! 今次另外再加左個鱔糊粗炒, 好耐無食鱔糊, 佢呢度完全係洗得好乾淨, 而且係爆個黃鱔好香, 再加埋個汁, 上海粗麵索埋 D 鱔糊汁真係好正, 回味無窮 !
難怪佢呢度好多時都爆棚要等位, 但一定要有耐性, 其實唔會等好耐, 十幾分鐘一定有位
Post
