雲興隆小廚 (Closed)

今日去左牛頭角搵朋友，夜晚唔知食咩好，見呢間冇乜人就入去試試啦！突然好想食咸蛋蒸肉餅，又咁岩呢度又有！不過佢係煲仔飯咁上，仲正啦有飯焦可以食😂值得一提既係鼓油係另上，因為好多餐廳都係姐姐幫你淋埋。講番個肉餅，佢肥瘦適中，所以唔會太乾身太硬又或者食落啖啖都係肥肉。而且大細岩岩好，餸唔會太少令到你最後要齋食飯，餸同飯既比例合理～飯方面有時煲仔飯既關係會有機會令到d 飯會乾，但今次又冇呢個問題，同時間又控制到有飯焦，正呀！食飯既時候見到隔離枱d小炒都好似好正咁，睇餐牌見到晚市先五十蚊個餐勁抵，下次有機會一定要試！