Chill and Grill

Open Now

Now Closed

趁住暑假帶小朋友專登黎呢到食飯，呢間餐廳適合一大班人聚會又極啱帶小朋友，食物款式多又有兒童餐。餐廳做緊夏日主題風，佈置到成個沙灘咁，影相襯埋啲道具勁得意！每個角落都係打卡影相位，仲有勁受歡迎嘅鞦韆。佢哋依家做緊夏日優惠，12歲以下小朋友享有一球免費雪糕（預約時必須註明使用優惠），自己可隨意添加糖果、朱古力碎等等嘅toppings！小朋友最開心係可以自制綿花糖一開始我哋先食「牛油果鮮蝦配乳酪水耕菜」，酸酸味味完全打開味蕾，水耕菜味道清甜。特選「真」龍蝦湯勁好味，因為小朋友自己低頭唔聲唔聲咁直接全碗飲晒，完全無留過畀我地。黃金蟹黃意粉醬汁好濃厚，大量蟹膏蟹肉撈埋一齊，真係香到不得了！美國封門柳(medium)係必點，兩個人嘅份量啱啱好，肉質軟腍得黎，肉味越食越濃郁，記得加返啲鹽同黑椒，味道更突出。出面好少餐廳有炸牛蒡食，所以我見親都會點黎食，牛蒡炸到好似薯條咁香脆，但又唔會食到好膩好有罪惡感。