Foodeli (形點 I)

Open Now

Now Closed

Yoho 開左新food court, 裝修好似幾舒服，所以去左試試。Food court 嘅好處就係可以試晒唔同嘅嘢食，下次大家有機會嚟呢頭搵好嘢食嘅話可以試下呢間“板神”，因為佢除咗主食仲有好多日式小食，可以過下口癮。由於本人對薯條有情有獨鍾，俾我見到就一定要擺落口，今次試咗佢嘅黑松露蛋黃醬薯條，份量都好公道，松露隻咩本身都比較濃，但配咗蛋黃醬同薯條就變得好夾。另外佢個章魚大阪燒都有驚喜，因為章魚好新鮮同大大件！至於主食就叫咗一間舖位比較入但好抵食嘅“花甲年華”,佢哋招牌嘅花甲粉有好多唔同配搭，而且送嘢飲。今次試咗配肥牛嘅粉絲，出嚟嘅時候大大碗已經好夠睇頭，而且用錫紙包住保溫，好有心思。打開錫紙之後湯底嘅蒜香味就撲向我個鼻，牛肉同蜆肉都好足料，再配埋個蒜香湯，真係好野味！再加多個招牌焗蠔，肥美多汁，不得了！雖然而加疫情Food court露台嘅遊樂場封左，但係如果遲啲開返，小朋友就可以邊玩邊食，而大人就可以係露台對住開陽風景食嘢，會係個hangout好地方！