Video
Read full review
2017-04-28
612 views
小朋友身高90cm要計小童價？香港d食肆好有問題…話說4月21號晚7:30同家人一齊去元朗廣場新開嘅牛一攞飛4大1小（自己忽略咗該店寫咗小童價）當叫到我哋號碼，我哋行埋去職員身邊俾張飛佢，職員叫我哋睇睇揀邊個價錢嘅餐同埋要咩湯底，之後就問我哋係咪4個大人1個小童，我家姐就問職員我個小朋友兩歲半BB都要計錢？佢食唔到依度d嘢架喎。該職員答：係呀冇辦法公司規定。同時該職員又問（用頭示意門口有個專為小朋友而設嘅度身高cm表）咁你小朋友過唔過90cm？我同家姐當時真係好無奈…（小朋友兩歲半過咗90cm有幾奇？小朋友都可以生得高d矮d肥d瘦d架喎，咁樣嚟做一個標準個人認為唔係好合理）之後我家姐答：咁個小朋友過咗90cm但佢得兩歲半又食唔到你d嘢都要收小童價？（我哋諗住真係收小童價錢就唔食，唔係錢嘅問題，係個小朋友真係唔食，冇理由夾硬要我哋蝕）職員就問：咁佢可唔可以手抱？我家姐答：咁如果你要我手抱我都可以手抱嘅。同時職員就話：因爲張枱比較細係張4人枱如果你可以手抱咁就唔計小童啦。咁我哋就揀咗價錢同埋湯底入咗去坐啦。其實全個過程大家都好禮貎嘅。但係我真係好想香港d食肆經營管理正視下依個小童身高過咗9
其實全個過程大家都好禮貎嘅。
但係我真係好想香港d食肆經營管理正視下依個小童身高過咗90cm要計小童收費嘅問題，真心覺得香港愈來愈多冇愛心嘅經營手法，大家諗下一個小朋友就算真係食呀食得你有幾多吖？免費食到3、4歲都唔會食得好多遮，日本好多食肆小童係唔計架，參考下啦！唔係叫你哋蝕，我知你哋做生意，不過攞個公平d嘅做法囉！點解唔可以做得有良心d將心比己呢？我相信d開依d食肆生意人你哋都會有自己小朋友啦！
講真d食肆每日產生啲廚餘嘅數目多好多好多啦以噸嚟計呀，既然你哋都咁浪費，點解唔可以當做d好事呢？
講番整體元朗牛一，由於新開人手有少許不足，補充食物冇咁快，蔬菜、瓜類都新鮮，空間比較逼坐得冇咁舒服。
Post