牛八和牛燒肉屋 Express (The ONE) (Closed)

疫情之下大家都好耐冇去旅行。機場就更加少去啦！呢間餐廳嘅裝修設計係用機場嘅概念，令人好似真係喺機場入邊咁。入座嘅時候佢會每人派一張登機證，之後帶你去你嘅座位。如果想點餐嘅時候，只需要掃一掃個QR code就可以用手機落單，好方便。食物會由旁邊嘅跑道由飛機運輸過嚟。呢一part小朋友就最開心啦😄其實好似迴轉壽司嘅概念，只不過佢將火車變成飛機✈️，好有新鮮感。我哋揀咗兩小時嘅放題，肉類嘅質素上乘，都好多選擇。小食、沙律、蔬菜、白飯、麵豉湯、飲品同甜品都係自助形式，可以自己出去攞。我覺得牛八呢間餐廳好適合同小朋友一齊去食，坐得舒服，又有得玩又有得食😊