小桃咖啡室 (Closed)

同兩個朋友去銅鑼灣行街，行到攰搵到間樓上餐廳，就決定入去坐下，小桃咖啡室令人感覺舒適，仲睇到幾令的街景。睇左一陣餐牌，發現除左散叫之外，仲有幾個套餐可以揀，最後我地決定食套餐B。頭盤係法式蒜蓉包配沙律，原本以為同平時食既沙律差唔多，上菜先發現原來唔係蔬菜加水果咁簡單，而係長通粉加其他配料，食落好特別。小食可以叫兩款，我地就揀左炸椒鹽脆皮腸同法國酥皮田螺，咖啡室會因應人數調整份量，咁就可以人人都有份食，唔洗怕唔夠分。主菜就揀左意大利卡邦尼意粉，除左份量十足之外，醬汁都值得一讚，有香濃的芝士味配合煙肉同蘑菇，比起外面餐廳食既有過之而無不及。唔少得餐廳的皇牌，肉醬薯條配醬燒豬肋骨，薯條配肉醬食，別具風味，豬肋骨香口，令人一試難忘。套餐仲包甜品同一人一杯飲品，好抵食。