五感日常 (Closed)

放工後來到呢間中環新開，裝修小清新風格蒟蒻粉麵店。五感即是指味覺、嗅覺、視覺、聽覺、觸覺，客人可以一邊聽住音樂，一邊舒服自在地享受呢頓健康飲食盛宴﹗餐牌入面有湯水、沙律、五目蒟蒻飯、清新蒟蒻撈麵、每日鮮煲海螺雞湯蒟蒻麵、開胃小食多種選擇。每日鮮煲海螺雞湯$38:入面有肉碎、椰子絲，飲落果然滋潤！海南雞飯蒟蒻飯：海南雞肉質嫰滑，附上辣椒醬、黑醬油膏，底下有塊生菜墊底，酸蘿蔔絲。蒟蒻飯係第一次食，調味適宜，加入冬菇、蟲草花入面，非常有咬口。柑桔水: 酸酸地又好潤喉﹗蒜香牛油雜菌:冬菇、金菇、本菇，加上蒜蓉牛油，口感爽脆﹗自家手打蝦餅:煎得香口，肉質好彈牙！