Video
Read full review
2023-04-20
83 views
早排女友小熊投訴，話我成日帶佢去星際城市睇相機同鏡頭，睇多兩睇，近朱者赤，連佢都有興趣玩吓相機影吓相，今次幫小熊買支二手鏡頭，賣家約係觀塘交收，事成後係觀塘食埋晚飯坐17號巴士直接返到屋企，於是去咗巴士站樓上嘅千歲擔擔麵開餐.千歲唔係第一次幫襯，上次幫襯時質素唔錯，所以再嚟幫襯.點咗無改良版嘅擔擔麵走辣，前菜花雕醉雞，酸辣湯，一口鍋貼，小籠包，生煎包，甜品豆沙鍋餅.值得一提係佢地嘅 QR Code 落單好易用，有D餐廳嘅 QR Code 好鬼煩，未開餐已經攪到一頭煙火都嚟!食過咁多次前菜醉雞，今次醉雞酒味最濃最重，而且雞肉同雞皮同樣嫩滑份量足，深知自己唔應該食雞皮，但無計啦，好味嘛.....酸辣湯一上香香味撲鼻，材料足無偷工減料，記憶中.... 第一次飲酸辣湯材料有蝦仁㖭，而且蝦仁新鮮彈牙，不過熱到辣咀，要小心.同樣熱到辣咀仲有小籠包啦! 亦都習慣唔點任何醬汁直接放入口，皮薄餡料足，內裡湯汁份量不少，味道適中唔會過鹹，滿意.擔擔麵湯底濃郁花生味重，麵條幼細係我喜歡口感，夾自己口味，麵條沾滿香濃湯汁，麵身唔會太冧，俾第二個滿意.女友突然問我，有無小熊維尼相機套同維尼鏡頭保護貼，仲想話將部
千歲唔係第一次幫襯，上次幫襯時質素唔錯，所以再嚟幫襯.
點咗無改良版嘅擔擔麵走辣，前菜花雕醉雞，酸辣湯，一口鍋貼，小籠包，生煎包，甜品豆沙鍋餅.
值得一提係佢地嘅 QR Code 落單好易用，有D餐廳嘅 QR Code 好鬼煩，未開餐已經攪到一頭煙火都嚟!
食過咁多次前菜醉雞，今次醉雞酒味最濃最重，而且雞肉同雞皮同樣嫩滑份量足，深知自己唔應該食雞皮，但無計啦，好味嘛.....
酸辣湯一上香香味撲鼻，材料足無偷工減料，記憶中.... 第一次飲酸辣湯材料有蝦仁㖭，而且蝦仁新鮮彈牙，不過熱到辣咀，要小心.
同樣熱到辣咀仲有小籠包啦! 亦都習慣唔點任何醬汁直接放入口，皮薄餡料足，內裡湯汁份量不少，味道適中唔會過鹹，滿意.
擔擔麵湯底濃郁花生味重，麵條幼細係我喜歡口感，夾自己口味，麵條沾滿香濃湯汁，麵身唔會太冧，俾第二個滿意.
女友突然問我，有無小熊維尼相機套同維尼鏡頭保護貼，仲想話將部相機貼滿維尼貼紙! 我答無! 有都話無!
成部相機貼滿維尼熊? 傻傻地!
上：花雕醉雞 / 下：酸辣湯
1 views
0 likes
0 comments
擔擔麵
8 views
0 likes
0 comments
小籠包
0 views
0 likes
0 comments
生煎包
36 views
0 likes
0 comments
一口鍋貼
2 views
0 likes
0 comments
Post
