架勢廚房 (馬寶學林33) (Closed)

咁啱係網上面見到架勢廚房係一間share kitchen ，所以就決定試一下，我叫嘅餐係辣雞扒炸蝦滷肉。..首先依間餐廳嘅餐具都係用木制，十分環保。一打開個盒其實就已經聞到個炸蝦係十分香，份量亦都正常夠一個人食，蝦肉好實淨但d炸蝦食落去就冇乜味。 辣雞扒方面餐廳幫我切成6-7塊。雖然叫辣雞扒，但意外地一d辣味都冇，不過個雞扒整體黎講整得唔錯，唔會話好鞋口或者有雪藏味。滷肉黎講我依個餐嘅都算肥瘦均勻，唔會有太多肥肉嘅滷肉或太瘦好柴嘅滷肉，滷肉亦都比較入味。..整體黎講10分滿分會比5.5分，因為最主要嘅辣雞扒冇辣味，同埋個蝦係冇味。