Video
Read full review
2019-04-25
68 views
之前同朋友係呢度食過，覺得佢幾抵食，所以做完瑜伽就再約朋友過黎食🤤7:00就去到食，所以附近冇咩人，都幾靜幾舒服，仲有我鍾意嘅裝飾🤪🤪見到佢有賣mac & cheese，覺得好吸引，又幾抵咁，但做完運動冇嗌到，下次一定會食返!!我地嗌左個二人餐，好抵，有餐湯、前菜、兩個主食仲有甜品，人均都只係百幾蚊!!個沙律菜好新鮮，又大份，好在就係啲汁份量啱啱好，唔會好似湯咁，又唔會少到好淡。沙律嘅精髓—麵包粒，都仲係脆架🤤特濃南瓜粟米忌廉湯同法式芝士洋蔥湯南瓜忌廉湯好飲，甜甜地，又幾creamy，不過會有少少頂肚。洋蔥湯就有一塊焗芝士面包係上面，但面包浸左落去之後，索哂啲湯就會有少少咸。呢個係溫泉蛋蒜香蘑菇鮮製意粉，我對意粉嘅軟硬度都有啲要求，但呢個意粉啱啱好，唔會太軟或太硬，個汁都調得好食，如果可以多返少少汁就更好了!芝心牛油果烤雞披薩牛油果好似幾健康咁，個烤雞食落仲juicy架，推薦!!是日甜品—朱古力慕絲蛋糕係意想不到嘅驚喜，覺得整得好好食，佢有兩個層次的，上面係慕絲，下面係海綿蛋糕，上面仲有啲完全唔thick嘅忌廉，配埋士多啤梨，酸酸甜甜真心好食!!我地唔夠喉叫多左個朱古力香蕉薄餅，落單時
之前同朋友係呢度食過，覺得佢幾抵食，所以做完瑜伽就再約朋友過黎食🤤7:00就去到食，所以附近冇咩人，都幾靜幾舒服，仲有我鍾意嘅裝飾🤪🤪
見到佢有賣mac & cheese，覺得好吸引，又幾抵咁，但做完運動冇嗌到，下次一定會食返!!
我地嗌左個二人餐，好抵，有餐湯、前菜、兩個主食仲有甜品，人均都只係百幾蚊!!
個沙律菜好新鮮，又大份，好在就係啲汁份量啱啱好，唔會好似湯咁，又唔會少到好淡。沙律嘅精髓—麵包粒，都仲係脆架🤤
特濃南瓜粟米忌廉湯同法式芝士洋蔥湯南瓜忌廉湯好飲，甜甜地，又幾creamy，不過會有少少頂肚。洋蔥湯就有一塊焗芝士面包係上面，但面包浸左落去之後，索哂啲湯就會有少少咸。
呢個係溫泉蛋蒜香蘑菇鮮製意粉，我對意粉嘅軟硬度都有啲要求，但呢個意粉啱啱好，唔會太軟或太硬，個汁都調得好食，如果可以多返少少汁就更好了!
芝心牛油果烤雞披薩牛油果好似幾健康咁，個烤雞食落仲juicy架，推薦!!
是日甜品—朱古力慕絲蛋糕係意想不到嘅驚喜，覺得整得好好食，佢有兩個層次的，上面係慕絲，下面係海綿蛋糕，上面仲有啲完全唔thick嘅忌廉，配埋士多啤梨，酸酸甜甜真心好食!!
我地唔夠喉叫多左個朱古力香蕉薄餅，落單時侍應話要等15-20分鐘，不過都係值得的。雖然個甜品上到黎嗰陣，見到雪糕少少融，我都有少少傷心，不過發現佢融融地咁食，仲可以mix埋啲香蕉同肉桂味，非常之夾，黎到不妨試下!!
第一次試sangria glass，佢係水果浸落紅酒入面，甜甜地又有水果食，不錯🤪
Post
