慢煮工業 (Closed)

呢度雖然係小食亭，佐同普通賣魚蛋、薯片果d完全唔同！呢間有誠意好多！鋪頭就冇乜位既，叫做有兩個位比人坐，但係多數都會比人坐左嫁啦，如果要坐住食，唔想拎走會凍晒，就要坐附近公園入面既長椅。珍珠比較硬，但西多士炸得非常酥脆唔油膩，不過奶茶醬味較淡，不知道抹茶味會唔會較濃呢？慢煮8小時安格斯牛扒50蚊有找！麵包微烘，夾着芝士、多塊慢煮牛扒，d牛肉多到食極都重有！慢煮過特別鬆軟富彈性，牛味濃郁。絕對唔似係小食店既出品，更唔似＄48可以買得到既水準，即使話係由西餐廳買返黎貴價三文治亦呃得到人！唯因人手同地方有限，廚房一眼睇晒！出餐速度實在急唔黎，確實要耐心等候。