Lucky Ristorante (Closed)

今次同朋友去既餐廳全部食物都結合左歐陸及日本菜！餐廳係比較特別推介自家製既手工薄餅，選用意大利零零粉製作及特用火山石爐烤去焗好特別！室內仲有好多唔同既乾花裝修好靚！餐廳既環境都好浪漫好有氣氛。濃濃既歐陸風格，用藍色作主調，有一種開心既感覺！配上牆身有唔同形狀既乾花，更加帶出浪漫感覺！今次我同朋友主要食小食套餐、因為大家都食左野想搵餐廳坐下傾下心事relax下！我地叫左個snack set,叫咗個天婦羅海苔魷魚、天婦羅脆香，配上海苔好滑，之後再叫左大阪燒，入到口融化加上醬汁好夾！白酒煮大蜆、每一次隻蜆都滲入左白酒的香味！芝士煙肉焗蠔好正，啖啖都充滿芝士 ！蠔亦好新鮮！最後再叫蒜片安格斯一口牛同味醂燒雞泡魚乾，雞泡魚乾配上沙律醬味道一流！再加上安格斯一口牛加上蒜片，啖啖都有蒜蓉香濃感！下次下午lunch都會想繼續黎呢度chill下食下野🥢🥰Lucky Ristorante地址: 旺角上海街618號3樓301B號舖